मसुरे | प्राजक्ता पेडणेकर : शिवस्वराज्य जनरल कामगार युनियन ,पुणे जिल्हा अध्यक्षपदी मूळ मसुरे कावावाडी येथील कन्या आणि आचरा येथे घर असलेल्या अनिता गणेश आचरेकर यांची निवड झाली आहे. त्यांच्या या निवडीबद्दल मसुरे, आचरा आणि पुणे मध्ये अभिनंदन होत आहे.अनिता आचरेकर यांच्या निवडीचे पत्र शिवस्वराज्य जनरल कामगार युनियनचे महासचिव संजय पडवळ यांनी दिले.
या वेळी महाराष्ट्रा पत्रकार अभिजित बापट,अध्यक्ष नितीन घोसाळकर, महासचिव संजय पडवळ, वैभव पास्ते, शारुख मुजावर, प्रसाद बिराजदार, विकी पाटोळे, सौरभ कौलगे, शोभा मॅडम उपस्थित होते. अनिता आचरेकर या महाराष्ट्र मनसे माथाडी कामगार संघटनेच्या उपाध्यक्ष पदावर ही कार्यरत आहेत. यावेळी बोलताना अनिता आचरेकर म्हणाल्यात सर्व समाजातील घटकांना या संघटनेमार्फत योग्य तो न्याय मिळवून देण्यासाठी आपण अविरत असे परिश्रम करणार असून शिवस्वराज्य जनरल कामगार युनियन ला आदर्श असे काम करण्याचा मनोदय व्यक्त केला. अनिता आचरेकर यांचे पुणे जिल्ह्यामध्ये सामाजिक, कला, सास्कृतिक आणि कामगार चळवळ यामध्ये मोठे योगदान आहे, पुणे जिल्ह्यामध्ये महिलांचे विविध प्रश्न सोडवण्यासाठी त्यांनी हिरिरीने प्रयत्न केले होते.आचरा येथे घर असलेल्या अनिता आचरेकर या मसुरे कावा वाडी येथील सामाजिक कार्यकर्ते कृष्णा गिरकर यांच्या कन्या आहेत. प्रसिद्ध भजनी बुवा नामदेव गिरकर यांच्या त्या भगिनी आहेत. अनिता आचरेकर यांच्या निवडीबद्दल मसुरे गावात स्पृहणीय आनंदाचा वर्षाव होत आहे.