गावठी बाँबसह काडतुसे बाळगल्याप्रकरणी एका व्यक्तीस घेतले ताब्यात..!
स्थानिक गुन्हे अन्वेषण विभागाच्या पथकाने केली कारवाई..
बांदा | राकेश परब : सिंधुदुर्ग जिल्ह्यातील बांदा सटमटवाडी येथे स्थानिक गुन्हा अन्वेषण विभागाच्या पथकाने सापळा रचून गावठी बाँम्ब सह काडतुसे बेकायदेशीर बाळगल्या प्रकरणी सादीक अन्वर खान (रा.बांदा-सटमटवाडी), या
संशयिताला ताब्यात घेतले. घटनेची माहिती पोलिस अधिकाऱ्यांकडून देण्यात आली. स्थानिक गुन्हा अन्वेषण शाखेच्या पथकाला मिळालेला गुप्त माहितीच्या आधारे ही कारवाई करण्यात आली. यात तब्बल ८९ गावठी बॉम्बसह दोन बंदुकीच्या नळ्या, चार काडतुसे असा शिकारीचा मुद्देमाल पोलिसांच्या हाती लागला आहे. तर मिळालेल्या गावठी बॉम्बची किंमत अंदाजे तीस हजार इतकी आहे. दरम्यान ते आपल्याजवळ बाळगणाऱ्या खान याला पोलिसांनी ताब्यात घेतले असून त्याच्यावर गुन्हा दाखल करण्याची प्रक्रिया सुरू आहे.
यावेळी पोलिस अधीक्षक राजेंद्र दाभाडे, अप्पर पोलिस अधीक्षक नितीन बागाटे, उपविभागीय पोलीस अधिकारी विनोद कांबळे, स्थानिक गुन्हे अन्वेषण शाखेचे सहाय्य पोलीस निरीक्षक शामराव काळे, पोलीस उपनिरीक्षक महेंद्र घाग, सचिन शेळके, अवधुत बनकर, अमित गोते आणि बांदा पोलिस आदींच्या माध्यमातून ही कारवाई करण्यात आली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
