भाजप पुरस्कृत पॅनलने सर्व १३ जागांवर मिळवला विजय

मसुरे | प्राजक्ता पेडणेकर : मालवण तालुक्यातील प्रतिष्ठेच्या वडाचापाट विकास सहकारी सोसायटीच्या झालेल्या पंचवार्षीक निवडणुकित भाजप पुरस्कृत शेतकरी सहकार पॅनलने सर्व जागांवर विजय मिळवीत शिवसेना पुरस्कृत पॅनेलचा धुव्वा उडविला आहे. या निवडणुकीत १३ पैकी १३ जागांवर भाजप पुरस्कृत शेतकरी सहकार पॅनलने विजय मिळविला आहे.
भाजप पुरस्कृत पॅनलचे प्रमुख आणि मालवणचे माजी सभापतीं राजेंद्र प्रभुदेसाई यांच्या मार्गदर्शनाखाली भाजप पुरस्कुत शेतकरी सहकार पॅनलने आपला विजय प्राप्त केला आहे. या शेतकरी सहकारी पॅनलचे उमेदवार राजेंद्र प्रभुदेसाई, एकनाथ पाटकर, महेंद्र हडकर, अभिमन्यु पालव, बाबुराव चिरमुले, प्रकाश चिरमुले, नामदेव वरक, स्मिता पालव, भानुदय कासले, श्रीनिवास हडकर, विजय घाडिगावकर, आंनदि पाटकर, विद्याधर तातोबा पाटकर यांनी विजय मिळवत शिवसेना पुरस्कुत पॅनलचा एकतर्फी पराभव केला.

या निवडणुकीत शिवसेना पुरस्कुत पॅनलचे प्रमुख तथा विद्यमान चेअरमन सतीश पालव यांच्यासहित सर्व उमेदवार पराभव झाले. या निवडणुकिसाठी भाजपच्या पॅनलला भाजप नेते दत्ता सामंत, अशोक सावंत, जिल्हा बँक संचालक बाबा परब, भाजप तालुकाध्यक्ष धोंडी चिंदरकर, अनिल कांदळकर, गोळवण सरपंच सुभाष लाड, साबाजी गावडे, सोमनाथ पानवलकर, रिता वायगंणकर, शरद मांजरेकर, विरेश पवार, बिजेंद्र गावडे, आप्पा घाडीगावकर यांनी सहकार्य केले.
या निवडणुकीसाठी निवडणुक निर्णय अधिकारी म्हणुन अजय हिर्लेकर यांनी काम पाहिले. सर्व विजयी उमेदवाराचे भाजपचे अशोक सावंत, तालुकाध्यक्ष धोंडी चिंदरकर, उपसभापती राजु परूळेकर, जिल्हा बँक संचालक बाबा परब, मठबुद्रुक संस्थेचे चेअरमन अशोक कांदळकर यांनी अभिनंदन केले.