सिंधुदुर्ग जिल्ह्यातील आडवली गांवचे सुपुत्र

शिरगांव /संतोष साळसकर : आडवलीचे सुपुत्र आणि ठाणे येथील पत्रकार सतीश अंकुश साटम यांची राज्यस्तरीय जर्नलिस्ट युनियन ऑफ महाराष्ट्रच्या सिंधुदुर्ग संपर्क प्रमुखपदी नेमणुक प्रदेश अध्यक्ष नारायण पांचाळ यांनी नुकतीच, ठाणे येथे संपन्न झालेल्या बैठकीत जाहीर केली.
ठाणे, पालघर व मुंबई येथे शिक्षण, आरोग्य आणि क्रिडा आदी व्यक्तीविकासात्मक सामाजीक प्रश्नांना आपल्या लेखणीव्दारे वाचा फोडुन समाजाला न्याय मिळवुन दिला. यांमुळे जर्नलिस्ट युनीयनने सतीश साटम यांना युनियनच्या कार्यकरणीत पद दिले. त्यामुळे अधिक जोमाने साटम यांनी राज्यातील अनेक जिल्ह्यात सभा घेऊन युनियनच्या पदाधिकार्‍यांच्या सहकार्याने, पत्रकारांच्या विविध समस्या व प्रश्न शासन दरबारी नेऊन न्याय मिळवून दिला. या युनीयनचा, सिंधुदुर्गातील पत्रकारांना फायदा मिळावा व सर्व पत्रकारांना योग्य न्याय मिळावा म्हणुन सिंधुदुर्गात सभा घेऊन ग्रामीण व शहरी पत्रकारांना मार्गदर्शन करुन संघटणा मजबुत करण्याचा, साप्ताहिक निर्भय शासन चे संपादक सतीश साटम यांचा मानस असल्याचे म्हणाले.
यावेळी राज्य कार्यकारिणीचे पदाधिकारी प्रवीण दवणे, प्रो हेमंत सामंत, के रवि दादा, राजेश जाधव, मोहिते, व यूनिट अध्यक्ष विजय मोरे यांनी शुभेच्छा दिल्या.