मालवण तालुका कृषी विभागाचे अनोखे आयोजन

मसुरे | प्राजक्ता पेडणेकर : महाराष्ट्र शासन कृषी विभाग यांच्या वतीने दिनांक ८ ते १४ नोव्हेंबर या कालावधीत शेतकरी मासिक वाचन सप्ताह साजरा करण्यात येत आहे. या सप्ताहाच्या निमित्ताने मालवण तालुका कृषी विभागाच्या वतीने मौजे खरारे-पेंडूर ग्रामपंचायत येथे शेतकरी मासिक वाचन सप्ताह कार्यक्रम आयोजित करण्यात आला होता. यावेळी तालुका कृषी अधिकारी श्री.विश्वनाथ गोसावी, सरपंच श्रीम.सुनिता मोरजकर, सदस्य सुनिल सावंत, कृषी सहा. श्रीम.मनिषा गिते, आत्मा व्यवस्थापक श्री.निलेश गोसावी तसेच महिला शेतकरी उपस्थित होत्या.यावेळी उपस्थितांना श्री.विश्वनाथ गोसावी यांनी सविस्तर मार्गदर्शन केले.
शेतकरी मासिक मधील प्रसिद्ध लेख बाबत माहिती देण्यातआली.बीजप्रक्रिया,पिक संरक्षण,पिक लागवड पद्धत, प्रक्रिया उद्योग, तसेच विविध राबविले जाणारे नाविन्यपूर्ण उपक्रम याविषयी माहिती गोसावी यांनी दिली.
क्रुषि विभागाच्या संकेतस्थळावर (www.krishi.maharashtra.gov.in) देखील शेतकरी मासिक प्रसिध्द केले जाते.प्रसिध्द यशोगाथा नाविन्यपूर्ण उपक्रम यांच्या वाचनाने त्यातून शेतकऱ्यांना प्रेरणा मिळेल तसेच त्यातून शेतकरी मासिकाचा उद्देश सफल होईल.याकरीता विविध स्तरांवर शेतकरी मासिक वर्गणीदार करून घेण्यात येणार असल्याचे यावेळी तालुका कृषी अधिकारी विश्वनाथ गोसावी यांनी सांगितले.