अंतर्नाद...; माजी बांधकाम सभापती तथा माजी नगरसेवक श्री. यतीन खोत वाढदिवस विशेष.

वाढदिवस विशेष : सिंधुदुर्ग जिल्ह्यातील मालवण नगरपरिषदेचे माजी बांधकाम सभापती व माजी नगरसेवक यतीन खोत यांचा आज १४ सप्टेंबरला वाढदिवस. देशातील व विशेषकरून महाराष्ट्र राज्यातील स्थानिक स्वराज्य संस्थांसाठीच्या सर्वात कठीण काळातील एक 'सेल्फ इन्स्टिंक्ट' जपलेले लोकप्रतिनिधी अशी त्यांची ओळख आहे. 

श्री. यतीन खोत यांच्यातले 'सेल्फ इन्स्टिंक्ट' हाच त्यांचा बालपणापासूनचा अंतर्नाद ठरला आणि बाल - युवा वयात शिक्षणासोबत त्यांनी कौटुंबिक व्यवसायाची जबाबदारी स्विकारली. व्यवसाया दरम्यान त्यांना विविध क्षेत्रातील 'व्यथा' दिसत होत्या तसेच जाणवत देखिल होत्या. स्वतःसोबत आपल्या आसपासच्या सर्वांनाच स्थिर आणि दिमाखदार जीवन मिळावे असा त्यांच्यातला 'अंतर्नाद' त्यांना आधी समाजकारण आणि नंतर सक्रीय राजकारणापर्यंत घेऊन गेला. मालवणचे ज्येष्ठ व्यावसायिक श्री. परशुराम खोत व आई माजी पंचायत समिती सभापती सौ. पूनम खोत यांच्या माध्यमातून त्यांना कौटुंबिक विकसनशिलतेसह यथाशक्ती सामाजिक गरजा जाणून पूर्ण करायचे तंत्र अवगत झाले.

श्री. यतीन खोत यांना त्यांच्या विवाहोत्तर काळात म्हणजे जवळपास गेले एक दशक त्यांची पत्नी तथा समाजसेविका सौ. शिल्पा खोत यांची सर्वांगीण वैविध्याची साथ लाभली. सौ. शिल्पा खोत यांनी श्री. यतीन यांना, सुनिश्चित उद्देशांच्या सफलतेसाठी निरनिराळ्या तंत्रांनी माणुसकी व माणुसपण साजरे होऊ शकते असा दृष्टीकोन दिला. तिथूनच श्री. यतीन खोत यांनी समाजकारण व राजकारण यावर माणुसकीचे वर्चस्व अबाधित राखायचा त्यांचा असा निर्धार केला. दरम्यान काही काळ त्यांच्या वैयक्तिक दुर्लक्षाचा देखिल गेला परंतु त्यांच्या निर्धारात वैयक्तिकतेला फक्त कार्यकर्ता म्हणून स्थान असल्याने त्याचा ते कधीच फारसा विचार करत नाहीत असे यतीन खोत मित्रमंडळी आवर्जून सांगतात.

यतिन खोत यांच्या यंदाच्या वाढदिवशी श्री गणरायांचे आगमन हा श्री. यतीन खोत यांच्या 'सेल्फ इन्सिंक्टच्या प्रगल्भ पर्वाच्या अंतर्नादासह' निर्धाराचा नूतन श्रीगणेशा करणारा कालावधी असेल अशा विश्वासपूर्ण सदिच्छा यतीन खोत मित्रमंडळींच्या वतीने श्री. यतीन खोत यांना देण्यात आल्या आहेत.