मसुरे येथे शिवसेनेची बि. एल. ए. संदर्भात आढावा बैठक संपन्न.
मसुरे येथे शिवसेनेची बि. एल. ए. संदर्भात आढावा बैठक संपन्न.
मसुरे | प्रतिनिधी : मालवण तालुक्यातील मसुरे येथे 'मसुरे विभाग शिवसेना' पक्षाच्या वतीने बी. एल. ए. ( बूथ लेव्हल एजंट्स) संदर्भात आढावा बैठक नुकतीच संपन्न झाली. छोटू ठाकूर यांच्या निवासस्थानी संपन्न झालेल्या या बैठकीत अध्यक्ष काका कुडाळकर यांचे मार्गदर्शन लाभले. त्यांनी बी.एल. ए. ची गरज, मतदार यादी, पुनरीक्षणातील भूमिका, पक्ष संघटनेसाठी त्याचे महत्त्व तसेच आगामी पक्ष धोरणे आणि त्याचे गांभीर्य समजावून सांगितले. सर्व बी. एल. ए. यांनी सतर्क राहून कामकाज करावे असे त्यांनी आवाहन केले.
यावेळी जिल्हा युवक अध्यक्ष संग्राम साळसकर, तसेच तालुकाध्यक्ष विनायक बाईक यांनी मार्गदर्शनपर मनोगत व्यक्त केले. यावेळी उपस्थित पदाधिकारी आणि कार्यकर्त्यांनी सुद्धा विविध प्रश्न उपस्थित करून कामकाज संदर्भात माहिती करून घेतली.
या बैठकीला पंचायत समिती सदस्य छोटू ठाकूर, शिवसेनेचे युवक जिल्हाप्रमुख संग्राम साळस्कर, तालुकाप्रमुख विनायक बाईक, तालुका संपर्कप्रमुख राजेश गावकर, विभागीय अध्यक्ष संतोष पालव, पप्पू मुळीक, वेरली सरपंच धनंजय परब, तात्या हिंदळेकर, शिवाजी परब, पुरुषोत्तम शिंगरे, जितेंद्र परब, सतीश मसुरकर, बाबू येसजी, सचिन पाटकर, किशोर ठाकूर, मनोज पालव, महेश बागवे, अनंत भोगले, निलेश मसुरकर, तात्या परब, राजाराम मुळीक, किरण पाटील आणि शिवसेनेचे पदाधिकारी कार्यकर्ते बी. एल. ए. उपस्थित होते. छोटू ठाकूर आणि संतोष पालव यांनी सर्व मान्यवरांचे स्वागत व आभार प्रदर्शन केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
