कुडाळ माड्याचीवाडी येथील श्री स्वामी समर्थ मठात गुरुपौर्णिमा उत्सवाचे आयोजन. 

मसुरे | प्रतिनिधी : कुडाळ तालुक्यातील माड्याचीवाडी खालचीवाडी येथील श्री स्वामी समर्थ मठात बुधवार, २९ जुलै २०२६ रोजी गुरुपौर्णिमा उत्सव साजरा होणार आहे. या उत्सवात पहाटे ५ वाजता संकल्प, सकाळी ६ वाजता गुरूमंत्र, सकाळी ८ वाजता स्वामींच्या मठात धार्मिक विधी, सकाळी ९ वाजता श्री सत्यनारायण महापूजा व आरती, सकाळी ११ वाजता श्री श्री १०८ महंत मठाधीश प. पू. सदगुरू श्री गावडे काका महाराज यांची पाद्यपूजा, ११:३० वाजता दहावी - बारावी व योग विद्यार्थ्यांचा गुणगौरव सोहळा, दुपारी १२ वाजता सद्गुरुंचे प्रबोधन मार्गदर्शन, १ वाजता सद्गुरू दर्शन सोहळा व अखंड महाप्रसाद, दुपारी २:३० वाजता स्वरसाई आरती मंडळ म्हापसा, गोवा यांचा घुमट आरतीचा कार्यक्रम, सायंकाळी ४ वाजता गोपाळकृष्ण रवळनाथ आरती मंडळ एकोशी यांचा घुमट आरतीचा कार्यक्रम, सायंकाळी ७ वाजता स्वामींची नित्य आरती, सायंकाळी ७:३० वाजता मोरेश्वर महिला फुगडी मंडळ नेरूर वाघचौडी यांचा पारंपारिक फुगडीचा कार्यक्रम आयोजित केला आहे. 

तरी भाविक भक्तगणांनी या सोहळ्यास उपस्थित राहून श्रींचे व सदगुरू माऊलीचे आशीर्वाद घ्यावेत, असे आवाहन श्री सदगुरू भक्त सेवा न्यास या संस्थेचे अध्यक्ष एकनाथ गावडे यांच्या वतीने करण्यात आले आहे.