मालवणात बजरंग दलाच्या वतीने ३५३ वा शिवराज्याभिषेक दिन साजरा. 

मालवण | ब्यूरो न्यूज : मालवणात विश्व हिंदू परिषद अंतर्गत बजरंग दल, मालवण यांच्या वतीने हिंदू साम्राज्य दिन तथा ३५३ वा शिवराज्याभिषेक दिन शनिवार, २७ जून रोजी सकाळी छत्रपती शिवाजी महाराज चौक, कुंभारमाठ येथे उत्साहात साजरा करण्यात आला.

यावेळी छत्रपती शिवाजी महाराजांच्या प्रतिकृतीस पुष्पहार अर्पण व पूजन करून मानवंदना देण्यात आली. तसेच उपस्थित शिवप्रेमींच्या वतीने छत्रपती शिवाजी महाराज यांच्या घोषणा देण्यात आल्या व स्वराज्य संस्थापक छत्रपती शिवाजी महाराजांच्या कार्याचा गौरव केला.

यावेळी सामाजिक कार्यकर्ते सूर्यकांत फणसेकर, विश्व हिंदू परिषद प्रखंड अध्यक्ष भाऊ सामंत ,ज्येष्ठ कार्यकर्ते विलास हडकर, रत्नाकर कोळंबकर, गणेश चव्हाण, अनिकेत फाटक, राजेश वळंजू, दिनेश तोंडवळकर, अरविंद मयेकर, निशांत आर्लेकर, चिन्मय सामंत, तेजस चव्हाण, स्वप्नील घाडी तसेच बजरंग दलाचे पदाधिकारी, कार्यकर्ते, विश्व हिंदू परिषदेचे सदस्य, शिवभक्त व ग्रामस्थ उपस्थित होते. 

यावेळी कार्यक्रमात शिवरायांच्या शौर्य, पराक्रम आणि हिंदवी स्वराज्याच्या विचारांचा जागर करत त्यांच्या आदर्शांचे स्मरण करण्यात आले. कार्यक्रमाचे यशस्वी आयोजन बजरंग दल, मालवणच्या पदाधिकारी, कार्यकर्ते व शिवभक्त यांनी केले.