शिवसेना महिला सेना कुडाळ - मालवण तालुका प्रभारी पदी पूनम चव्हाण.
शिवसेना महिला सेना कुडाळ - मालवण तालुका प्रभारी पदी पूनम चव्हाण.
मालवण | ब्यूरो न्यूज : सिंधुदुर्ग जिल्ह्यात शिवसेना महिला सेनेच्या माध्यमातून पक्षांतर्गत नियुक्त्यांमध्ये, मालवण नगरपरिषदेच्या आरोग्य व स्वच्छता सभापती तथा नगरसेविका पूनम नागेश चव्हाण यांची शिवसेना महिला सेना कुडाळ - मालवण तालुका प्रभारी पदी अधिकृत नियुक्ती करण्यात आली आहे. शिवसेना महिला सेना जिल्हाप्रमुख दिपलक्ष्मी पडते यांनी त्यांना नियुक्ती पत्र देऊन पुढील वाटचालीस शुभेच्छा दिल्या.
वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने आणि शिवसेनेचे मुख्य नेते, महाराष्ट्राचे उपमुख्यमंत्री एकनाथ शिंदे यांच्या आदेशानुसार ही नियुक्ती करण्यात आली आहे. तसेच, स्थानिक पातळीवर आमदार निलेश राणे यांच्या विशेष मार्गदर्शनाखाली पूनम चव्हाण या कुडाळ आणि मालवण तालुक्यात महिला सेनेच्या कार्याच्या विस्तारासाठी उत्सुक आहेत.
यावेळी मालवण नगरपरिषद नगराध्यक्षा सौ. ममता वराडकर, नगरसेविका अश्विनी कांदळकर, चित्रा हरमलकर, विद्या फर्नांडिस, सौ. प्रभाळे, मधुरा तुळसकर, रश्मी तुळसकर, नंदिनी हडकर, अक्षता गावडे आदी उपस्थित होत्या.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
