माऊली मित्रमंडळीच्या वतीने मंत्री नितेश राणे यांच्या वाढदिवसानिमित्त रुग्णांना फळांचे वाटप.

माऊली मित्रमंडळाचे संस्थापक अध्यक्ष राजेंद्र पेडणेकर व सहकारी यांच्यावतीने पालकमंत्र्यांच्या निरामय जीवनासाठी सदिच्छा.

उपजिल्हा रुग्णालयाचे अधीक्षक सचिन डोंगरे, डॉ. उबाळे व वैद्यकीय कर्मचारी उपस्थित.

कणकवली | ब्यूरो न्यूज : महाराष्ट्र राज्याचे मत्स्योद्योग व बंदर विकास मंत्री तथा सिंधुदुर्ग जिल्ह्याचे पालकमंत्री नितेश राणे यांच्या वाढदिवसानिमित्त, २३ जून २०२६ रोजी कणकवली उपजिल्हा रुग्णालयात रुग्णांना फळे वाटप करून वाढदिवस साजरा करण्यात आला. माऊली मित्र मंडळाचे संस्थापक अध्यक्ष राजेंद्र मनोहर पेडणेकर आणि सहकारी यांनी पालकमंत्र्यांच्या निरामय जीवनासाठी सदिच्छा दिल्याची माहिती राजेंद्र पेडणेकर यांनी दिली आहे.   

यावेळी माऊली मित्र मंडळाचे संस्थापक अध्यक्ष राजेंद्र मनोहर पेडणेकर यांच्या हस्ते रुग्णांना फळांचे वाटप करण्यात आले आणि रुग्णांच्या प्रकृतीची विचारपुस करत त्यांना लवकर बरे होण्यासाठी शुभेच्छा देण्यात आल्या.

या कार्यक्रमास माऊली मित्र मंडळाचे संस्थापक अध्यक्ष राजेंद्र मनोहर पेडणेकर, सामाजिक कार्यकर्ते सुनील काणेकर, किशोर चव्हाण, जमील क़ुरेशी, प्रकाश चव्हाण आणि मित्रमंडळाचे पदाधिकारी व सदस्य उपस्थित होते. 

उपजिल्हा रुग्णालयाचे अधीक्षक सचिन डोंगरे, डॉ. उबाळे, अधिपरीचारिका सेविका सायली तिवरेकर, जे. आर. थिटे, पायल मोर्य, पल्लवी पाटकर , परशुराम आलंव, रुपेश जाधव, प्रीती कोरगावकर,आदी मान्यवर उपस्थित होते.