श्री. देवी घुमडाई मंदिरच्या १५ व्या वर्धापनदिन सोहळ्यानिमित्त ५ ते ८ मे रोजी विविध धार्मिक व सांस्कृतिक कार्यक्रम.

अध्यक्ष दत्ता सामंत व मुंबई घुमडे ग्रामस्थ मंडळ अध्यक्ष मोहन राणे यांचे घुमडे ग्रामस्थांच्या वतीने उपस्थितीचे आवाहन. 

मालवण | ब्यूरो न्यूज : मालवण तालुक्यातील घुमडे गावचे ग्रामदैवत श्री देवी घुमडाई मंदिरात १५ व्या वर्धापनदिन सोहळ्यानिमित्त मंगळवार, ५ मे ते शुक्रवार, ८ मे २०२६ या कालावधीत विविध धार्मिक व सांस्कृतिक कार्यक्रमांचे आयोजन करण्यात आले आहे.

५ मे रोजी रात्री ९ वाजता स्थानिक कलाकारांचे विविध सांस्कृतिक कार्यक्रम, ६ मे रोजी रात्री ९ वाजता आचरा देऊळवाडी येथील विठ्ठल रखुमाई दिंडी भजन, ७ मे रोजी रात्री ९ वाजता 'महाकाली कलेश्वर लिंग स्थापना' हा दशावतारी नाट्यप्रयोग होणार आहे. ८ मे रोजी मंदिराच्या वर्धापनदिन सोहळ्यादिनी सकाळी ८ वाजता देवीचे पूजन व विधीवत धार्मिक कार्यक्रमास सुरुवात होणार आहे. सकाळी ९ वाजता सत्यनारायण महापूजा, दुपारी १२ वाजता पालखी सोहळा, दुपारी १ वाजता महाप्रसाद, संध्याकाळी ४ वाजता संगीत भजने, रात्री ९ वाजता 'येथे ओशाळला मृत्य' धर्मवीर संभाजी महाराज यांची धगधगती शौर्य गाथा हे नाटक होणार आहे. 

भाविक भक्तांनी वर्धापनदिन सोहळ्याचा आणि धार्मिक सांस्कृतिक कार्यक्रमांचा लाभ घ्यावा, असे आवाहन घुमडे ग्रामस्थ मंडळ अध्यक्ष दत्ता सामंत व मुंबई घुमडे ग्रामस्थ मंडळ अध्यक्ष मोहन राणे यांनी केले आहे.