एसएसपीएम इंजिनिअरिंग कॉलेजचा स्नेहमेळावा संपन्न. 

कणकवली | ब्यूरो न्यूज : सिंधुदुर्ग शिक्षण प्रसारक मंडळाच्या एस. एस. पी. एम इंजिनिअरिंग कॉलेजचा २०२६ चा 'उत्तुंग' स्नेहमेळावा संपन्न झाला. या स्नेहमेळाव्याचे चे माजी मुख्यमंत्री, विद्यमान खासदार नारायण राणे यांच्या हस्ते दीपप्रज्वलन करण्यात आले. यावेळी संस्थेच्या अध्यक्ष सौ. नीलम ताई राणे, उपाध्यक्ष आमदार निलेश राणे, संचालक डॉ. मिलिंद कुलकर्णी, प्राचार्य डॉ. डी. एस. बाडकर यांच्यासह प्रमुख प्रतिनिधी उपस्थित होते. यावेळी 'उत्तुंग' या स्नेह मेळाव्यात विद्यार्थ्यांनी कलागुणांचे सादरीकरण केले तसेच ज्या विद्यार्थ्यांनी यश मिळविले त्यांचा सत्कार करण्यात आला.

यावेळी कुडाळ मालवणचे आमदार निलेश राणे यांनी, त्यांचे वडिल खासदार नारायण राणे, आई नीलम राणे आणि गुरुजन वर्गामुळे ही संस्था यशस्वी होऊन पुढे वाटचाल करत आहे. चांगली संस्था उभी करण्यासाठी चिकाटी, कष्ट आणि प्रामाणिक मन त्यांच्या आईवडिलांचे आहे म्हणून ही संस्था प्रामुख्याने पुढे जाते. अनेक विषय मोठ्या युनिव्हर्सिटीत राबविले जातात ते आपल्या संस्थेत राबवले जात आहेत, त्याबद्दल अभिनंदन केले तसेच पालकमंत्री नितेश राणे यांनी शुभेच्छा दिल्याचेही सांगितले.