शिवसेना उद्धव बाळासाहेब ठाकरे पक्षाच्या सिंधुदुर्ग जिल्हाप्रमुख पदी वैभव नाईक.

ब्यूरो न्यूज : शिवसेना उद्धव बाळासाहेब ठाकरे पक्षाच्या सिंधुदुर्ग जिल्ह्यातील प्रमुख पदाधिकाऱ्यांची बैठक पक्षप्रमुख उद्धवजी ठाकरे यांच्या प्रमुख उपस्थितीत मुंबईतील मातोश्री निवासस्थानी, २४ एप्रिल २०२६ रोजी संपन्न झाली. यावेळी शिवसेना पक्षाच्या सिंधुदुर्ग जिल्हाप्रमुखपदी वैभव नाईक यांची निवड करण्यात आली. पक्षप्रमुख श्री. उद्धव बाळासाहेब ठाकरे यांनी पुष्पगुच्छ देऊन वैभव नाईक यांचे अभिनंदन करत पुढील वाटचालीस शुभेच्छा दिल्या. पदाधिकारी व शिवसैनिकांनी एकजुटीने आणि एकदिलाने शिवसेना संघटनेचे काम करण्याचे आवाहन पक्षप्रमुख श्री. उद्धव ठाकरे यांनी केले.  

यावेळी संवाद साधताना वैभव नाईक म्हणाले की सन्माननीय उद्धवजी ठाकरे यांनी जी जबाबदारी सोपवली आहे ती जबाबदारी योग्य रीतीने पार पाडून, सर्वांना सोबत घेऊन सिंधुदुर्ग जिल्हाप्रमुख पदाला साजेसे काम करण्याचा प्रयत्न करणार. यावेळी पदाधिकारी व शिवसैनिकांनी वैभव नाईक यांना जिल्हाप्रमुख पदाच्या शुभेच्छा दिल्या. 

याप्रसंगी शिवसेना नेते, सचिव विनायक राऊत, शिवसेना नेते खासदार अरविंद सावंत, शिवसेना सचिव आमदार मिलिंद नार्वेकर, शिवसेना उपनेते आमदार सचिन अहिर, शिवसेना उपनेते अरुण दुधवडकर, उपनेते गौरीशंकर खोत, उपनेत्या जान्हवी सावंत, बाबुराव धुरी, उपजिल्हाप्रमुख अमरसेन सावंत, युवासेना जिल्हाप्रमुख सुशांत नाईक, महिला जिल्हाप्रमुख नीलम पालव, रुपेश राऊळ, संग्राम प्रभुगावकर, मालवण तालुकाप्रमुख हरी खोबरेकर, कृष्णा धुरी, सचिन कदम, प्रथमेश सावंत, जयेश नर, नंदू शिंदे, चंद्रकांत कासार, गणेश गावकर, उत्तम लोके, रवींद्र जोगल, बाळा कोरगावकर, अनुप नाईक, संकेत नाईक, जयेश धुमाळे, योगेश धुरी, मालवण शहरप्रमुख पृथ्वीराज बाबी जोगी, नगरसेवक महेंद्र म्हाडगुत, संजय गवस, माजी नगरसेवक नितीन वाळके, राजू राठोड, नगरसेवक तपस्वी मयेकर, बाळा गावडे, अवधूत मालणकर, दिनेश चमणकर, वैदेही गुडेकर, सुशील चिंदरकर, आचरा विभाग प्रमुख समीर लब्दे, रुपेश आमडोस्कर, अमर घाडी, अमोल वस्त, स्वप्नील आचरेकर, सुहास गावडे व शिवसेना उद्धव बाळासाहेब ठाकरे पक्षाचे पदाधिकारी, शिवसैनिक उपस्थित होते.