भरतगड इंग्लिश मीडियम स्कूलच्या मुलांची राज्यस्तरीय परीक्षेत व्याक'रण झुंजार' कामगिरी...!
भरतगड इंग्लिश मीडियम स्कूलच्या मुलांची राज्यस्तरीय परीक्षेत व्याक'रण झुंजार' कामगिरी...!
स्वानंद परब राज्यात प्रथम तर मनस्वी झुंजार पेडणेकर राज्यात द्वितीय.
मसुरे | प्रतिनिधी : भरतगड इंग्लिश मीडियम स्कूल मसुरे, मर्डे या प्रशालेमध्ये घेण्यात आलेल्या, महाराष्ट्र मुंबई परीक्षा मंडळ मुंबई आयोजित राज्यस्तरीय इंग्लिश ग्रामर परीक्षा २०२५ - २०२६ मध्ये भरतगड इंग्लिश मीडियम स्कूल मसुरे, मर्डे प्रशालेचा विद्यार्थी कुमार स्वानंद विश्वनाथ परब ह्याने 'ब' गटामध्ये इयत्ता तिसरी व चौथी या गटातून १०० पैकी ९७ गुण मिळवत राज्यात प्रथम क्रमांक प्राप्त केला आहे. याच प्रशालेची विद्यार्थिनी मनस्वी झुंजार पेडणेकर हिला इयत्ता चौथी 'ब' गटामध्ये ९६ गुण मिळाले असून ती राज्यात द्वितीय क्रमांकाची मानकरी ठरली आहे.
प्रशालेचे एकूण ७२ विद्यार्थी या परीक्षेत प्रविष्ट झाले होते त्यापैकी ६७ विद्यार्थी उत्तीर्ण झाले एकूण निकाल हा ९३% लागला आहे.
विद्यार्थ्यांचे शाळेचे संस्था अध्यक्ष प्रकाश परब, उपाध्यक्ष संजय परब, स्कूल कमिटी चेअरमन संग्राम प्रभू गावकर, डॉ अनिरुद्ध मेहंदळे, संस्था पदाधिकारी बाबाजी भोगले, संस्था सचिव अशोक मसुरेकर मुख्याध्यापिका संतोषी मांजरेकर तसेच शाळा व्यवस्थापन समिती सदस्य, शिक्षक शिक्षकेतर कर्मचारी, संस्था पदाधिकारी, मसुरे ग्रामस्थ यांनी अभिनंदन केले आहे. यशस्वी विद्यार्थ्यांना मार्गदर्शक शिक्षिका म्हणून सिस्टर कांता, स्टेला लोबो, रसिका मेस्त्री, स्वरांजली ठाकूर, यांचे मार्गदर्शन लाभले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
