मालवणात खासदार नारायणराव राणे यांच्या वाढदिवसानिमित्त मच्छिमार महिलांना भेटवस्तू वाटप.

जिल्हाप्रमुख दत्ता सामंत, नगराध्यक्षा ममता वराडकर, नगरसेवक - नगरसेविका तसेच विविध मान्यवर, पदाधिकारी, कार्यकर्ते उपस्थित.

मालवण | प्रतिनिधी : माजी मुख्यमंत्री तथा माजी केंद्रीय मंत्री, विद्यमान खासदार नारायणराव राणे यांच्या ७४ व्या वाढदिवसानिमित्त १० एप्रिल २०२६ रोजी मालवण शिवसेना शाखा येथे शिवसेना जिल्हाप्रमुख दत्ता सामंत यांच्या हस्ते मच्छीमार महिलांना मत्स्य व्यवसायाला उपयुक्त भेटवस्तूंचे वाटप करण्यात आले. 

यावेळी जिल्हाप्रमुख दत्ता सामंत यांनी सांगितले की, यंदा माजी मुख्यमंत्री, माजी केंद्रीय मंत्री तथा विद्यमान खासदार नारायणराव राणे यांचा ७४ वा वाढदिवस आहे म्हणजेच ७५ व्या वर्षात पदार्पण आहे. खासदार नारायणराव राणे यांनी सिंधुदुर्ग जिल्हा देशात नेऊन ठेवला आणि सिंधुदुर्ग जिल्ह्याला पर्यटन जिल्हा म्हणून ओळख मिळवून दिली. त्यांच्या वाढदिवसानिमित्त मच्छिमार महिलांना छत्री आणि मत्स्य व्यवसायास उपयोगी भेटवस्तू वाटप कार्यक्रम याठिकाणी आयोजित करण्यात आला आहे. दर महिन्याच्या १० तारीखला खासदार नारायणराव राणे यांच्या अमृत महोत्सवी वर्षात पदार्पणानिमित्त विविध उपक्रम घेण्यात येणार आहेत. खासदार नारायणराव राणे यांना दीर्घायुष्य लाभो, अशीही प्रार्थना जिल्हाप्रमुख दत्ता सामंत यांनी केली. 

यावेळी शिवसेना जिल्हाप्रमुख दत्ता सामंत यांच्यासह नगराध्यक्षा ममता वराडकर, उपनगराध्यक्ष दिपक पाटकर, बांधकाम सभापती सहदेव बापर्डेकर, नगरसेविका अश्विनी कांदळकर, जिल्हा संघटक व स्विकृत नगरसेवक महेश कांदळगावकर, नगरसेवक सिद्धार्थ जाधव, नगरसेविका नीना मुंबरकर, नगरसेविका मेघा गावकर, शहर संघटक राजू बिडये, तालुकाप्रमुख मंदार लुडबे, तालुकाप्रमुख विनायक बाईत, जिल्हा परिषद सभापती संतोष साटविलकर, मच्छिमार सेल शहरप्रमुख वसंत गावकर, मच्छिमार सेल तालुकाप्रमुख भाऊ मोरजे, पदाधिकारी राजा गावकर, बाळू नाटेकर तसेच मोहन वराडकर, देवली सरपंच श्याम वाक्कर, उद्योजक परशुराम पाटकर, सूर्या फणसेकर, गुरू मणचेकर, भाई मांजरेकर आणि मच्छिमार महिला व सहकारी बहुसंख्येने उपस्थित होते.

लाभार्थी मच्छिमार महिलांच्या वतीने उपयुक्त वस्तू वाटपाबद्दल समाधान व्यक्त करण्यात आले. उपस्थितांच्या वतीने खासदार नारायणराव राणे यांच्या दीर्घायुष्यासाठी प्रार्थना करत त्यांना वाढदिवसाच्या शुभेच्छा देण्यात आल्या.