मालवणात शिवसेनेच्या वतीने रिक्षा चालकांना विमा संरक्षण.

खासदार नारायणराव राणे यांच्या अमृतमहोत्सवी वाढदिवसाचे औचित्य.

जिल्हाप्रमुख दत्ता सामंत यांच्यासह नगराध्यक्षा ममता वराडकर, पदाधिकारी, कार्यकर्ते व मान्यवरांची उपस्थिती. 

मालवण | प्रतिनिधी : माजी मुख्यमंत्री खासदार नारायण राणे यांच्या अमृत महोत्सवी वाढदिवसा निमित्त मालवण तालुका शिवसेना यांच्या वतीने, शिवसेना जिल्हाप्रमुख दत्ता सामंत यांच्या प्रमुख उपस्थितीत १०० पेक्षा जास्त रिक्षा चालकांचा २ लाखाचा विमा उतरविण्यात आला. यावेळी मालवण नगराध्यक्षा ममता वराडकर, शिवसेना जिल्हा संघटक व स्विकृत नगरसेवक महेश कांदळगावकर, नगरसेवक सहदेव बापर्डेकर, शहरप्रमुख व उपनगराध्यक्ष दीपक पाटकर, शहर संघटक राजू बिडये, तालुकाप्रमुख मंदार लुडबे व विनायक बाईत, माजी नगरसेवक जाॅन नर्होन्हा, मोहन वराडकर, भाई मांजरेकर, शानु वालावलकर, नगरसेविका नीना मुंबरकर, अश्विनी कांदळकर, मेघा गावकर सावंत, पदाधिकारी राजा गावकर, विश्वास गांवकर, बाळू नाटेकर, भाऊ मोर्जे, वसंत गावकर, वरची देवली सरपंच श्याम वाक्कर, उद्योजक परशुराम पाटकर, सूर्या फणसेकर, गुरू मणचेकर तसेच विविध मान्यवर, पदाधिकारी, महिला पदाधिकारी व कार्यकर्ते उपस्थित होते.

माजी मुख्यमंत्री तथा माजी केंद्रीय मंत्री विद्यमान खासदार श्री. नारायणराव राणे यांच्या अमृत महोत्सवी वाढदिनानिमित्त विविध सामाजिक सांस्कृतिक कार्यक्रमाचे आयोजन करण्यात आले आहे. याचाच एक भाग म्हणून मालवण तालुका शिवसेनेच्या वतीने रिक्षा चालका साठी २ लाखाचा विमा उतरविला गेला आहे. यात नांव नोंदणी केलेल्या पहिल्या १०० रिक्षा चालकांना प्रथम प्राधान्य दिले जाणार आहे असे विशेष आवाहन करण्यात आले होते.

६० वर्षाच्या आतील विमाधारकाला अपघाती मृत्यू झाल्यास विम्याची १०० टक्के रक्कम, अपघातात कायमस्वरूपी अपंगत्व आल्यास विम्याची १०० टक्के रक्कम विमा धारकास मिळणार आहे असे या विम्याचे स्वरूप आहे अशी माहिती मिळत आहे.

यावेळी रिक्षा चालक निलेश लुडबे, संकेत राऊळ, राजा मांजरेकर, विठू वराडकर, पंकज मसूरकर यांच्यासह असंख्य रिक्षा चालक बांधव उपस्थित होते. 

लाभार्थी रिक्षा चालकांच्या वतीने निलेश लुडबे यांनी समाधान व्यक्त करत शिवसेनेचे तसेच जिल्हाप्रमुख दत्ता सामंत व पदाधिकारी वर्गाचे आभार मानले. उपस्थित व विमा लाभार्थी रिक्षा चालकांच्या वतीने खासदार नारायणराव राणे यांना दीर्घायुष्य लाभो अशी प्रार्थना करत त्यांना अमृत महोत्सवी वाढदिवसाच्या शुभेच्छा देण्यात आल्या.

जिल्हाप्रमुख दत्ता सामंत यांनी यावेळी उपस्थितांना संबोधित करताना सांगितले की कोकणचे भाग्यविधाते खासदार नारायणराव राणे यांच्या अमृत महोत्सवी वर्षानिमित्त दर महिन्याच्या १० तारखेला विविध उपक्रम आयोजीत करत साजरे करण्यात येणार आहे.