निवती बंदर येथील महाविष्णु मंदिराचा वर्धापन दिन सोहळा. 

२४ ते २६ मार्च दरम्यान विविध कार्यक्रमांचे आयोजन. 

मसुरे | प्रतिनिधी : निवती बंदर येथील श्री महाविष्णु मंदिराच्या द्वितीय वर्धापन दिन सोहळ्यानिमित्त २४ ते २६ मार्च या कालावधीत विविध धार्मिक व सांस्कृतिक कार्यक्रमाचे आयोजन करण्यात आले आहे. २४ मार्च रोजी सकाळी ८ वा. हरिपाठ, सायंकाळी ५ वा. ग्रामस्थांची भजने, ६ वा. श्री पावणादेवी समईनृत्य किंजवडे यांचे समई नृत्य , रात्री ९ वा. महापुरुष महिला भजनमंडळ तारकर्ली यांचे भजन. बुधवार, २५ मार्च रोजी पहाटे ५ ते ६ श्री देव महाविष्णु अभ्यंग स्नान, लघुरुद्र, अभिषेक व यथासांग पूजन, भाविकांसाठी श्रींचे दर्शन, १० वा. हरिपाठ, दुपारी २ वा. श्री सत्यनारायणाची महापूजा, सायं. ६ ते ८ ग्रामस्थांची भजने, रात्रौ ९ वा. जयहनुमान दशावतार नाट्यमंडळ मोचेमाड यांचा दशावतारी नाट्यप्रयोग होणार आहे. गुरुवार, २६ मार्च रोजी पहाटे ५ वा. काकड आरती, दुपारी ११:३० वा. ग्रामस्थ भजन, १२ वा. रामजन्म आरती, १२:३० वा. महाप्रसाद, सायं. ५ वा. हरिपाठ, ७ वा. श्री गांगेश्वर प्रासादिक भजन मंडळ, किर्लोस यांचे दिंडी भजन, रात्रौ ९ वा. सातेरी महिला दशावतार मंडळ पावशी, कुडाळ यांचा 'भक्तांची पाठिराखी आदिमाया' दशावतारी नाट्यप्रयोग होणार आहे. 

विष्णुमंदिर समितीने उपस्थितीचे आवाहन केले आहे.