सिंधुदुर्ग कॉलेजच्या एन. सी. सी. छात्रांचा निरोप समारंभ संपन्न. 

मालवण | ब्यूरो न्यूज : मालवण शहरातील स. का. पाटील सिंधुदुर्ग महाविद्यालयातल्या एन सी. सी. विभागातील तिसऱ्या तृतीय वर्ष एनसीसी छात्र तथा विद्यार्थ्यांचा निरोप समारंभ संपन्न झाला. यावेळी प्रमुख पाहुणे म्हणून भंडारी कनिष्ठ महाविद्यालयाचे अर्थशास्त्राचे प्रा. पवन बांदेकर उपस्थित होते. 

यावेळी महाविद्यालयाचे प्राचार्य कैलास राबते यांनी अध्यक्षीय भाषणातून विद्यार्थ्यांना मार्गदर्शन केले. सिंधुदुर्ग जिल्ह्यात सिंधुदुर्ग महाविद्यालय एन. सी. सी. मध्ये अग्रेसर असल्याबाबतची कारणमीमांसा करत माहिती दिली आणि प्रमुख पाहुणे श्री. बांदेकर यांनी मार्गदर्शनपर मनोगत व्यक्त केले.

यावेळी पोलिस निरीक्षक मारुती जगताप, तहसीलदार गणेश लव्हे तसेच कृ. सी. देसाई शिक्षण संस्थेचे अध्यक्ष किरण ठाकूर, कार्याध्यक्ष साईनाथ चव्हाण, सचिव गणेश कुशे, सहसचिव संदेश कोयंडे, कोषाध्यक्ष नंदन देसाई, संचालक ॲड. समीर गवाणकर, डाॅ. शशिकांत झांटये, डॉ. रामचंद्र काटकर, महादेव पाटकर, राजेंद्र खांडाळेकर, शैलेश पावसकर, माजी संचालक प्रमोद ओरसकर, भाऊ सामंत, विजय केनवडेकर, डॉ. पंकज दिघे, हॉटेल व्यावसायिक संजय गावडे व संस्था पदाधिकारी यांनी एनसीसी छात्रांचे अभिनंदन करून शुभेच्छा दिल्या.  

यावेळी श्री. खोबरे श्री. साळुंखे, रोहिणी फाटक, सौ. कदम, सूर्यकांत कदम, प्राध्यापक व कर्मचारी वृंद उपस्थित होते. 

कार्यक्रमासाठी व्यावसायिक अर्थशास्त्र व एनसीसी विभाग प्रमुख लेफ्ट. प्रा. मल्लेश खोत यांच्या सक्रीय मार्गदर्शनाखाली प्रथम व द्वितीय वर्ष एन. सी. सी. छात्रांनी योगदान दिले.

यावेळी विद्यार्थ्यांनी, मनोगतांद्वारे एन. सी.सी. मुळे देश सेवा करायला मिळाली व यापुढेही अशाच प्रकारची देश सेवा करू असे सांगितले.