मुख्यमंत्री देवेंद्र फडणवीस यांच्या हस्ते सिंधुदुर्ग महाविद्यालयाचे माजी विद्यार्थी व माजी एनसीसी छात्र बाजीराव काळे यांचा सत्कार. 

एनसीसी विभाग प्रमुख लेफ्टनंट प्राध्यापक डॉ.एम. आर. खोत यांची माहिती.

मालवण | प्रतिनिधी : मालवणातील स. का. पाटील सिंधुदुर्ग महाविद्यालयातील एनसीसी विभागाचा माजी एनसीसी छात्र बाजीराव काळे यांचा मुख्यमंत्री देवेंद्र फडवणीस यांच्या हस्ते सत्कार करण्यात आला. बाजीराव काळे हे सध्या 'अनुगामी लोकराज्य महाभियान' अंतर्गत कार्यरत असून ते अनुगामी लोकराज्य महाभियान संस्थेमार्फत सरकारी योजना तळागाळापर्यंत पोहोचवण्यासाठी काही वर्षे सातत्याने ते प्रयत्न करत आहेत. 

संपूर्ण महाराष्ट्रात समाजासाठी काम करणाऱ्या २१ तरुणांचा असा सत्कार करण्यात आला असून त्यात सिंधुदुर्ग जिल्हा व कोकणातून श्री. बाजीराव काळे यांच्यासह दोघे जण असे एकूण तीन जण अशा सत्काराचे मानकरी ठरले आहेत.

स. का. पाटील सिंधुदुर्ग महाविद्यालयाचे प्रभारी प्राचार्य कैलास राबते यांच्यासह एनसीसी विभाग प्रमुख लेफ्टनंट प्राध्यापक डॉ.एम. आर. खोत यांनी बाजीराव काळे यांचे अभिनंदन केले व पुढील वाटचालीसाठी शुभेच्छा दिल्या आहेत. 

तसेच कृ. सी. देसाई शिक्षण संस्थेचे अध्यक्ष किरण ठाकूर, कार्याध्यक्ष साईनाथ चव्हाण, सेक्रेटरी गणेश कुशे, सह सेक्रेटरी संदेश कोयंडे, कोषाध्यक्ष नंदन देसाई, संचालक ॲड. समीर गवाणकर, डॉ. शशिकांत झांटये, डॉ. रामचंद्र काटकर, महादेव पाटकर, राजेंद्र खांडाळेकर, शैलेश पावसकर, माजी संचालक प्रमोद ओरसकर, भाऊ सामंत, विजय केनवडेकर, पदाधिकारी, पोलीस निरीक्षक मारुती जगताप, तहसीलदार गणेश लव्हे यांनीअभिनंदन केले असून '58 महाराष्ट्र बटालियन' कमांडिंग ऑफिसर कर्नल अजय राजशेकर तामिळनाडू, लेफ्टनंट कर्नल तनुज मंडलिक, सुभेदार मेजर सुधाकर कुलदीपकर, सुभेदार यांनीही बाजीराव काळे यांची विशेष प्रशंसा व अभिनंदन केले असल्याची माहिती एनसीसी विभाग प्रमुख लेफ्टनंट प्राध्यापक डॉ.एम. आर. खोत यांनी दिली आहे.