टोपीवाला हायस्कूलचा २९ डिसेंबर रोजी ताम्रपट वितरण कार्यक्रम.

टोपीवाला हायस्कूलचा २९ डिसेंबर रोजी ताम्रपट वितरण कार्यक्रम.

मालवण | ब्यूरो न्यूज : मालवण एज्युकेशन सोसायटी संचलित रा. ब. अनंत शिवाजी देसाई टोपीवाला हायस्कूल, मालवण यांच्यावतीने संपन्न होणाऱ्या टोपीवाला हायस्कूलच्या ख्यातनाम माजी विद्यार्थ्याला स्व. डॉ. एस. एस. आजगांवकर ताम्रपट वितरणाचा व हायस्कूलच्या दोन कर्तबगार माजी विद्यार्थ्यांना स्व. डॉ. एस. के. पंतवालावलकर मानपत्र वितरीत करण्याचा कार्यक्रम सोमवार, २९ डिसेंबर रोजी सकाळी ९:३० वाजता प्रशालेच्या रंगमंचावर होणार आहे.

यंदा, डॉ. प्रसाद जनार्दन वायंगणकर ताम्रपटाचे मानकरी ठरले आहेत. श्री. प्रशांत रवींद्रनाथ खोबरेकर व इरावती किशोर पटवर्धन यांना मानपत्र प्रदान करण्यात येणार आहे. हा कार्यक्रम मालवण एज्युकेशन सोसायटी अध्यक्ष सुदेश बलवंत मयेकर यांच्या अध्यक्षतेखाली होणार आहे. प्रशालेच्या वतीने उपस्थितीचे आवाहन करण्यात आले आहे.