कास्ट्राईब महासंघ दिव्यांग विभागाचे कार्याध्यक्ष कै. सुहास कुरुकले यांचा स्मृतिदिन साजरा.

विद्यार्थ्यांना शैक्षणिक साहित्य, शालेय बॅग, पाण्याची बाटली, गरजू विद्यार्थ्यांना कपडे व खाऊचे वाटप.

मसुरे | प्रतिनिधी : कणकवली तालुक्यातील पियाळी येथे कास्ट्राईब कर्मचारी महासंघ दिव्यांग विभागाचे महाराष्ट्र राज्याचे कार्याध्यक्ष कै. सुहास यशवंत कुरुकले यांचा स्मृतिदिन साजरा करण्यात आला. यावेळी परिसरातील विद्यार्थ्यांना शैक्षणिक साहित्य, शालेय बॅग, पाण्याची बाटली, गरजू विद्यार्थ्यांना कपडे व खाऊ वाटप करण्यात आला.

या कार्यक्रमासाठी कास्ट्राईब महासंघाचे महासचिव सुरेश तांबे, गोकुळ दूध संकलन अधिकारी चंद्रशेखर घाळी, कास्ट्राईब महासंघ सिंधुदुर्गचे महासचिव किशोर कदम, कास्ट्राईब दिव्यांग विभाग महाराष्ट्र राज्याचे कार्याध्यक्ष विजयकुमार ढवळे, मुख्य संघटक व वरिष्ठ उपाध्यक्ष विशाल असोदे, सचिव शिवाजी बिबराळे, सल्लागार सचिन वारणुळकर, उपाध्यक्ष चंद्रकांत शेटे, उपाध्यक्ष राजपाल माथूरे, मुअ. प्रकाश पाटील, स्पीच थेरेपिस्ट बाबासाहेब चौगुले, आनंद आवळे, रुबिन लोखंडे, संभाजी पवार, राजेंद्र बुचडे तसेच पियाळी येथील नागरिक उपस्थित होते. कार्यक्रमाचे सूत्रसंचालन विशाल असोदे यांनी केले तर नियोजन सचिन वारूळकर यांनी केले. आभार प्रदर्शनाने कार्यक्रमाची सांगता करण्यात आली.