वायंगणी येथील सद्गुरू स्मार्त गुरुकुलच्या विद्यार्थ्यांचे याज्ञिक परीक्षेत सुयश.

प्रकाशन: 14 Oct 2025 04:01 AM

वाचन संख्या 95

बातम्या, मालवण, शैक्षणिक, सामाजिक, सुयोग पंडित (मुख्य संपादक)

शेअर करा: Facebook Twitter WhatsApp Telegram

मालवण | ब्यूरो न्यूज : पुणे येथे याज्ञिक परीक्षेसाठी प्रविष्ठ झालेल्या मालवण वायंगणी येथील सद्गुरू स्मार्त गुरुकुलच्या विद्यार्थ्यांनी सुयश प्राप्त केले आहे. या गुरुकुलातील दहा विद्यार्थी परीक्षेसाठी बसले होते. यामध्ये स्मार्त प्रवेश परीक्षेत कुशल दामले, वेदांत गोगटे ह्या दोन विद्यार्थ्यांना द्वितीय श्रेणी, संपूर्ण अभिज्ञ परीक्षेत आर्य जोशी, विश्वेश कोवाडकर, श्रेयस कांदोळकर व वरद आठवले ह्या चार विद्यार्थ्यांना प्रथम श्रेणी, शार्दुल रामतीर्थकर द्वितीय श्रेणी, साहिल गांगल तृतीय श्रेणी प्राप्त केली आहे. संपूर्ण कोविद परीक्षेत गोविंद दामले व ओम जोशी या विद्यार्थ्यांनी द्वितीय श्रेणी प्राप्त करून सद्गुरु स्मार्त गुरूकुलच्या सर्व विद्यार्थ्यांनी यश संपादन केले आहे.

पुणे येथील सहस्त्रबुद्धे महाराज मंदिर व वेदशास्त्रोत्तेजक सभा पुणे येथे विविध परीक्षांसाठी हे विद्यार्थी बसले होते. या सर्व विद्यार्थ्यांना वे. मू. याज्ञिक चूडामणी नंदकिशोर केशव जोशी यांचे मार्गदर्शन लाभले असून संपूर्ण, या सर्व विद्यार्थ्यांचे व गुरुजनांचे अभिनंदन होत आहे.

विभाग:

बातम्या मालवण शैक्षणिक सामाजिक सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)