युवा उद्योजक रोहन सावंत यांची वाढदिवशी शैक्षणिक मदत.
मालवण | ब्यूरो न्यूज : मालवण येथील युवा उद्योजक रोहन सावंत यांनी ०८ ऑगस्ट रोजी, तालुक्यातील विविध शाळांमधील विद्यार्थ्यांना वह्यांचे वितरण केले. यावेळी त्यांनी विद्यार्थ्यांशी संवाद साधत शैक्षणिक महती समजावून दिली.
या उपक्रमांतर्गत रोहन सावंत यांनी मालवण परिसरातील अनेक प्राथमिक शाळांना भेटी दिल्या. यामध्ये जिल्हा परिषद प्राथमिक शाळा कोळंब कातवड, जीवन शिक्षण विद्या मंदिर कोळंब नं. १, बालविकास मंदिर न्हिवे, कांदळगाव, जिल्हा परिषद प्राथमिक शाळा, वखैदा कातवड या शाळेचा समावेश होता. त्यांनी प्रत्येक शाळेतील विद्यार्थ्यांशी संवाद साधला, त्यांच्याशी गप्पा मारल्या आणि त्यांना शिक्षणाचे महत्त्व समजावून सांगितले.
संबंधित सर्व विद्यार्थी, विद्यार्थिनी, शिक्षक आणि मुख्याध्यापकांनी, युवा उद्योजक रोहन सावंत यांची विशेष प्रशंसा केली आणि कृतज्ञता व्यक्त करत त्यांना वाढदिवसाच्या व पुढील वाटचालीसाठी सदिच्छा दिल्या.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
