मालवण तालुकास्तरीय रानभाजी महोत्सवास उत्स्फूर्त प्रतिसाद.
मसुरे | प्रतिनिधी : महाराष्ट्र शासन कृषी विभाग, आत्मा, महिला आर्थिक विकास महामंडळ (सिंधुकन्या कट्टा) व जय हनुमान मंदिर ट्रस्ट, आनंदव्हाळ यांच्या संयुक्त विद्यमाने रानभाजी महोत्सव नुकताच संपन्न झाला. या उपक्रमाच्या उद्घाटन कार्यक्रमात
उपविभागीय कृषि अधिकारी उमाकांत पाटील यांनी मार्गदर्शन केले.
या प्रसंगी तालुका कृषि अधिकारी अमोल करंदीकर, जिल्हा समन्वयक अधिकारी नितीन काळे, मंडळ कृषि अधिकारी आचरा हुसेन आंबर्डेकर, मंडळ कृषि अधिकारी पोईप दशरथ सावंत, सरपंच आनंदव्हाळ श्रीम. रश्मी टेंबुलकर, सरपंच कातवड श्रीम. प्रतीक्षा हळदणकर, उपकृषी अधिकारी धनंजय गावडे, सिताराम परब, श्रीपाद चव्हाण, श्रीम. राणी थोरात, सहाय्यक तंत्रज्ञान व्यवस्थापक आत्मा मालवण श्री निलेश गोसावी, व्यवस्थापक सिंधुकन्या सीएमारसी ( CMRC श्रीम. गीता चौकेकर, पाककला परीक्षक श्रीम. कविता तळेकर, रानभाजी तज्ञ मार्गदर्शक रामचंद्र शृंगारे तसेच कृषी विभागाचे सर्व अधिकारी, कर्मचारी व शेतकरी मोठ्या संख्येने उपस्थित होते.
तालुका कृषी अधिकारी अमोल करंदीकर यांनी रानभाज्या संवर्धनासाठी कृषी विभाग प्रयत्नशील असून शेतकऱ्यांचा प्रतिसाद मिळत असल्याचे सांगितले. महोत्सवात रानभाज्यांची ओळख, त्यांचे आहारातील महत्त्व यावर मार्गदर्शन करण्यात आले. तसेच रानभाज्यांचे प्रदर्शन व पाककृती स्पर्धेचे आयोजन करण्यात आले. प्रदर्शनात कोकणातील तब्बल ३२ रानभाज्यांचे नमुने आकर्षक पद्धतीने मांडण्यात आले होते.
कार्यक्रमाचे सूत्रसंचालन कृषि सेवक श्रीम. स्नेहा खोत यांनी केले तर आभार प्रदर्शन उपकृषी अधिकारी धनंजय गावडे यांनी केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
