पानिपतचे विश्वासजी ऐतिहासिक मसुरे भरतगडावर...!
पानिपतकार ,ज्येष्ठ इतिहास संशोधक व लेखक श्री विश्वास पाटील यांनी घेतली मसुरे गावाची भेट..!
मसुरे | प्राजक्ता पेडणेकर : कसबा मसुरे येथील ऐतिहासिक किल्ले भरतगड आणि सरदार मुळीक प्रभुगांवकर वाड्याला इतिहास संशोधक पानिपतकार,प्रसिद्ध लेखक श्री विश्वास पाटील यांनी मंगळवारी भेट दिली. यावेळी विश्वास पाटील यांनी ऐतिहासिक भरतगड किल्ल्यावरती सर्वत्र फिरून ऐतिहासिक गोष्टींची माहिती करून घेतली. तसेच मसुरे येथील सरदार मुळीक प्रभुगांवकर यांच्या जुन्या वाड्याला ही भेट दिली. प्रभुगावकर यांच्याकडे असलेल्या ऐतिहासिक वस्तूंची आणि जुन्या काळातील लिखित स्वरूपाची माहिती संग्राम प्रभुगावकर यांनी विश्वास पाटील यांना दिली. यावेळी बोलताना विश्वास पाटील म्हणाले, मसुरे गांव, भरतगड किल्ला आणि या प्रभुगांवकर वाड्याला इतिहासात मोठे मानाचे स्थान आहे. या संदर्भात लेखन करण्यासाठी आणि या कसबा मसुरे गावाची, इतिहासात प्रसिद्ध अशा भरतगड किल्ल्याची ऐतिहासिक माहिती पुढे आणण्यासाठी लवकरच पुन्हा एकदा भेट देणार असल्याचे बोलताना सांगितले. यावेळी माजी जिल्हा परिषद अध्यक्ष आणि प्रभुगावकर वाड्यातील ज्येष्ठ सदस्य संग्राम प्रभुगावकर यांनी इतिहासातील विविध अवशेष, भरतगड किल्ल्याविषयी माहिती, मसुरे गावाचा जुना इतिहास,येथील प्राचीन मंदिरे आणि सरदार मुळीक प्रभुगावकर वाड्यातील जुन्या काळातील काही वस्तू यांची विश्वास पाटील यांना माहिती दिली. विश्वास पाटील यांनी संग्राम प्रभुगावकर यांना ऐतिहासिक ” संभाजी ” कादंबरी भेट म्हणून देऊन पुन्हा लवकरच मसुरे गावास भेट देण्याचे अभिवचन दिले. यावेळी त्यांच्यासोबत, संग्राम प्रभुगावकर, श्रीमती तोरस्कर मॅडम, श्रीयुत निकम सर समीर प्रभुगावकर,सुनील प्रभुगावकर, शिरीष प्रभुगावकर आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
