आचरा टेंबली येथील कार्यालयात अधिकाऱ्यांना विचारला जाब

आचरा | विवेक परब : महावितरणने सुरू केलेल्या जाचक थकीत वीज बिल वसुली मोहिमेबरोबरच विविध समस्यांबाबत आज भाजप आक्रमक भूमिका घेत महावितरणच्या आचरा टेबंली कार्यालयात धडक दिली यावेळी वीज कर्मचार्‍यांकडून ग्राहकांना उद्धट वागणूक, ग्राहकांना कल्पना न देताच वीज तोडणे तसेच अन्य प्रश्‍नांवर भाजप मालवण तालुकाप्रमुख धोंडी चिंदरकर, तालुका सरचिटणीस महेश मांजरेकर, जि.प.सदस्य जेराँन फर्नांडिस यांच्यासह अन्य पदाधिकार्‍यांनी महावितरणचे अभियंता गणेश साखरे यांना धारेवर धरण्यात आले.

कोरोनानंतर आता व्यवसाय सुरू आहेत त्यामुळे ग्राहकांवर जबरदस्ती न करता ज्या क्षमतेने ग्राहक बिले आहेत ती भरून घ्या अन्यथा तालुक्यात वसुलीस जाणार्‍या कर्मचार्‍यांच्या बाबत अनुचित प्रकार घडल्यास त्याची जबाबदारी महावितरणची राहिल असा इशारा यावेळी देण्यात आला. चर्चेअंती जे ग्राहक वीजे बिले आपल्या क्षमतेनुसार भरत आहेत ती भरून घ्यावीत, त्यांची वीज तोडू नये तसेच जे ग्राहक काहीच वीज बिले भरत नाहीत त्यांचीच वीज जोडणी तोडण्याच्या सूचना महावितरणचे अधिकारी श्री संतोष यांनी अधिकार्‍यांना दिल्या. महावितरणकडून थकीत वीज बिलांची वसुली मोहिम अधिक तीव्: आली आहे. या पार्श्‍वभूमीवर आज भाजपच्यावतीने तालुकाप्रमुख धोंडी चिंदरकर यांच्या नेतृत्वाखाली आचरा टेंबली येथील महावितरणच्या कार्यालयात धडक देण्यात आली.

यावेळी तालुका सरचिटणीस महेश मांजरेकर, जि.प सदस्य जेराँन फर्नांडिस, समिर बांवकर, विभागीय अध्यक्ष संतोष कोदे, संतोष गांवकर, प्रकाश मेंस्री, रवि घागरे, दत्ता वराडकर, मनोज हडकर, मंदार सरजोशी, देवेंद्र हडकर, रावजी सावंत, मेस्त, शेखर कांबळी, एकनाथ पवार इ कार्यकर्ते उपस्थित होते. यावेळी तालुक्यातील महावितरणची जी पदे रिक्त आहेत ती तत्काळ भरा अन्यथा वीज तोडणीचे आदेश देणार्‍या अधिकार्‍यांना तत्काळ येथे बोलावून घ्या अन्यथा आम्ही येथून जाणार नाही अशी भूमिका भाजप पदाधिकार्‍यांनी घेतली. महावितरणचे अधिकच ग्राहकांवर जबरदस्ती करत आहेत हे योग्य नाही. तोक्ते चक्रीवादळ काळात नागरिकांनीच महावितरणला सहकार्य केले आहे त्यामुळे याची जाणिव ठेवून नागरिकांना सहकार्य करा. अशी मागणी आचरा भाजपने केली.