आपली सिंधुनगरी न्यूज चॅनेल स्टुडिओत झाले दांडीवरील श्री रामेश्वर प्रासादीक झालझुल महिला भजन मंडळाचे रिंगण भजन सादरीकरण.
मालवण | विनीत मंडलिक : सिंधुदुर्ग जिल्ह्यातील मालवण शहरातल्या आपली सिंधुनगरी न्यूज चॅनेलच्या स्टुडिओमध्ये शहरातल्या दांडी येथील ‘श्री रामेश्वर प्रासादीक झालझुल महिला भजन मंडळाने’ उभ्याने रिंगण भजन हा अनोखा भजनभक्ती सोहळा सादर केला.
यावेळी प्रमुख बुवा तथा गायिका म्हणून दिव्या मालंडकर, जयदेव लोणे मृदुंग तर की बोर्डवर राजेश कांदळगांकर यांची साथ लाभली.
यावेळी महिलांनी सलग एक तास फेर धरुन भजन सादरीकरण केले आणि आरतीने सोहळ्याचा समारोप झाला.
यावेळी मंडळाचे प्रबंधक जयदेव लोणे यांच्यासह राजेश बांदकर व पांडुरंग सारंग विशेष उपस्थित होते.
दांडी येथील सृजनशील महिला सौ.वैष्णवी मालंडकर यांच्या संकल्पनेतून या ‘श्री रामेश्वर प्रासादीक झालझुल महिला भजन मंडळाची’ संकल्पना उभी राहीली आहे आणि गेली सहा वर्षे हे भजन मंडळ त्यांचे भजन सादरीकरण करत आहे.
आपली सिंधुनगरी न्यूज चॅनेलच्या मुख्य संचालक सौ. फिलोमीना पंडित यांनी मंडळातील सर्व सदस्यांचे आभार मानून त्यांना शुभेच्छा दिल्या.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
