मालवणात मशीद गल्लीच्या नाक्यावर मालवाहतूक करणारा ट्रक कलंडला..! (ब्रेकिंग)
मालवण | सुयोग पंडित : सिंधुदुर्ग जिल्ह्यातील मालवण शहरातल्या मध्यवर्ती सोमवार पेठेतील मुख्य रस्ता ते मशीद गल्ली वळणावर मालवाहतूक करणारा एक छोटा ट्रक कलंडला आहे.
ही घटना आत्ता दुपारी 04:00 च्या दरम्यान घडली असून चालकाला अरुंद वळणाचा अंदाज न आल्याने ट्रकचे उजव्या बाजुचे मागचे चाक गटारात उतरुन ट्रक कलंडल्याचे प्रथमदर्शनी दिसून येत आहे.
ट्रकमधील माल तत्काळ बाहेर काढून ट्रकला पूर्ववत रस्त्यावर आणून कोंडी हटवायचे प्रयत्न सुरु असून या छोट्या अपघातात कोणालाही इजा झालेली दिसून आलेली नाही. दुपारच्या वेळी थोडी वर्दळ कमी असल्याने मोठा अनर्थ टळल्याचेही प्रत्यक्षदर्शी उपस्थितांपैकी काहींनी सांगितले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
