शैक्षणिक योगदानाबद्दल ग्रामपंचायतच्या वतीने सत्कार..!

मसुरे | प्राजक्ता पेडणेकर :
देशाच्या स्वातंत्र्याचा अमृत महोत्सव निमित्त मर्डे ग्रामपंचायतचे ध्वजवंदन मसुरे येथील सेवानिवृत्त आदर्श शिक्षिका कल्याणी कांबळे यांच्या हस्ते करून मर्डे सरपंच संदीप हडकर, उपसरपंच राजेश गावकर, ग्राम. विकास अधिकारी शंकर कोळसुलकर आणि सर्व सदस्यांनी एक अनोखा उपक्रम घडवून आणला.

यावेळी बोलताना श्रीमती कांबळी मॅडम म्हणाल्या, मर्डे ग्रामपंचायत आणि त्यांच्या सर्व सहकाऱ्यांनी आज मला जो मान दिला आहे हा माझ्या जीवनातील अतुलनीय असा प्रसंग आहे. माझ्या या सर्व विद्यार्थ्यांचा मला नेहमीच सार्थ अभिमान आहे. सरपंच संदीप हडकर म्हणाले, मसुरे गावच्या सर्वांना गुरूतुल्य असलेल्या व माझ्याही गुरु असलेल्या कांबळी मॅडम यांच्या हस्ते ध्वजवंदन संपन्न झाले.आम्हा सर्वांच्या हृदयात घर करून असलेल्या या माऊलीचे या निमित्ताने आम्ही ऋण व्यक्त करतो. सर्वांना अभिमान वाटावा असे कार्य कांबळी मॅडम यांनी केले आहे. या वेळी मसुरे केंद्र शाळेच्या मुख्याध्यापिका सौ शर्वरी शिवराज सावंत यांच्या शुभहस्ते आदर्श शिक्षिका कांबळी मॅडम यांचा त्यांच्या आज वरच्या कार्याचा गौरव म्हणून मर्डे ग्रामपंचायतच्या वतीने नागरी सत्कार करण्यात आला. यावेळी उपसरपंच राजेश गावकर, ग्रामपंचायत सदस्य जगदीश चव्हाण, पप्पू मुळीक, सचिन पाटकर, श्री सावंत, मंडल अधिकारी श्री चव्हाण, मसुरे केंद्रप्रमुख नारायण देशमुख, श्री गावडे सर,विनोद कदम, गुरुनाथ ताम्हणकर, श्रीमती मगर मॅडम, शामा सावंत, नरेन हिंदळेकर,हेमलता दुखंडे, महेश खोत, विनोद मोरे, सुदर्शन मसुरकर, कमलेश ठाकूर, शैलेश मसुरकर, पोलीस पाटील नेवेश फर्नांडिस,श्री परब, मसुरे पोलीस कर्मचारी, महसूल कर्मचारी, शालेय शिक्षक वर्ग, विद्यार्थी वर्ग, होमगार्ड वर्ग आणि ग्रामस्थ उपस्थित होते.