कणकवली | प्रसन्ना पुजारे :
      सिंधुदुर्ग जिल्ह्यातील स.का.पाटील सिंधुदुर्ग महाविद्यालयातील रामभाऊ परुळेकर कनिष्ठ महाविद्यालयात कनिष्ठ महाविद्यालयातील विद्यार्थ्यांमार्फत गुरुपौर्णिमेच्या कार्यक्रमाचे आयोजन करण्यात आले होते. बारावी परीक्षेत यश संपादन केलेल्या विद्यार्थ्यांचा गुणगौरव सत्कार कार्यक्रम संपन्न झाला. यावेळी व्यासपीठावर  महाविद्यालय प्राचार्या डॉ. उज्ज्वला सामंत, रामभाऊ परुळेकर कनिष्ठ महाविद्यालयाचे समन्वयक प्रा.हसन खान, प्रा.स्नेहा बर्वे, प्रा. अन्वेशा कदम,प्रा. मिलन सामंत आदी उपस्थित होते.
         यावेळी प्राचार्या सामंत यांनी समाजाची असलेली गुरुची भूमिका विषद केली. समाज हा आपल्याला अनेक प्रकारे जीवन धडे देत असतो आणि त्या अनुभवांमधून आपण अनेक गोष्टी शिकतअसतो.विद्यार्थ्यांनी व्यक्त केलेल्या मनोगतांचे विशेष कौतुक यावेळी त्यांनी केले.
        यावेळी प्राचार्य हसन खान यांनी निसर्ग हा सर्वश्रेष्ठ गुरू आहे याविषयी माहिती दिली.तसेच स्वतःला शोधण्याचा मार्ग गुरू दाखवण्याच्या प्रयत्न करतो याविषयी आपले मत व्यक्त केले.
        यावेळी  सानिया अटक, श्रेया निकम, सौरभ साळकर यांनी गुरूशिष्य विषयी आपल्या भावना, मनोगत व्यक्त केले. सूत्रसंचालन बारावी विद्यार्थिनी अर्पिता पालव यांनी तर आभार चिन्मय कदम याने केले.