मसुरे | प्राजक्ता पेडणेकर : सिंधुदुर्ग जिल्ह्यातल्या कट्टा (मालवण) येथील बॅ .नाथ पै सेवांगण व केंद्रशाळा कट्टा क्र.१ यांच्या संयुक्त विद्यमाने केंद्रशाळा कट्टा क्र. १ शाळेत मराठी राजभाषा व विज्ञान दिन साजरा करण्यात आला.

वेदांत म्हाडगुत याने विज्ञानाचे महत्व,तनिषा म्हाडगुत हिने कविता वाचन, श्लोक चांदरकर याने कथाकथन, निखिलेश मेस्त्री, देवांग बांदेकर, अथर्व मेस्त्री, आराध्या मेस्त्री हिने विज्ञाननिष्ठ लेखांचे वाचन केले.

शिवण विभागाच्या विद्यार्थिनी प्रतिक्षा हिर्लेकर, प्रिया नांदोसकर, मंगल गावडे, सौ मालवदे यानी कविता वाचन केले.
मुख्याध्यापक ठाकूर यानी विज्ञान कविता सादर केली.
शिक्षका संपदा भाट हिने मराठी गौरव गीत गायन केले.
खिल्लारे गुरुजीनी विध्यार्थ्यांना कडून सामुदायिक कविता वाचन केले.

दीपक भोगटे यानी उपस्थित सर्व माजी विद्यार्थी असून २माजी विद्यार्थी किशोर शिरोडकर व रमेश म्हाडगुत राज्यस्तरीय शिष्यवृत्तीधारक असल्याचा उल्लेख केला.
सुजाता पावसकर हिने मराठी दिन व विज्ञान दिन याचे महत्व विशद केला.
विद्यार्थ्यांना ‘शिवाजी कोण होता’ हे पुस्तक भेट देण्यात आले.
प्रारंभी मराठी गीताने कार्यक्रमाचा शुभारंभ झाला.
या वेळी किशोर शिरोडकर, रमेश म्हाडगुत, दीपक भोगटे, गणेश वाईरकर, सुजाता पावसकर, ठाकूर गुरुजी, खिल्लारे गुरुजी, संपदा भाट, श्रीधर गोंधळी, शिवण विभागाच्या विद्यार्थिनी पालक विद्यार्थी उपस्थित होते.