मसुरे | प्राजक्ता पेडणेकर : सिंधुदुर्ग जिल्ह्यातील मालवण येथील अ.शि.दे .टोपीवाला हायस्कूल मध्ये सहाय्यक शिक्षिका म्हणून गेली दोन दशके सृनशिलतेने सेवाव्रत असलेल्या सौ.ज्योती रविकिरण बुवा-तोरसकर यांनी राज्यस्तरीय सहाय्यक प्राध्यापक पदासाठी झालेल्या(सेट)परीक्षेत, मराठी या विषयात यश मिळवले आहे. यापूर्वी झालेल्या सेट परीक्षेत इतिहास या विषयात त्यांना यश मिळाले होते. मराठी व इतिहास या दोन्ही विषयात यश मिळवणाऱ्या काही मोजक्या व्यक्तींमध्ये त्यांचा समावेश झाला आहे. सदर परीक्षा ही युजीसी व सावित्रीबाई फुले विद्यापीठ,पुणे तर्फे महाराष्ट्र व गोवा राज्यासाठी घेतली जाते.ऑक्टोबर २०२० मध्ये झालेल्या सदर परीक्षेसाठी गोवा तसेच महाराष्ट्र मधून ७९७७५ बसले होते त्यापैकी ५२९७ विद्यार्थी उत्तीर्ण झाले असून एकूण निकाल ६.६४% एवढा लागला आहे. सदर परीक्षेत मराठी पाठोपाठ इतिहास या विषयात सौ.ज्योती रविकिरण बुवा-तोरसकर यांनी मिळविलेले यश कौतुकास्पद असून. आपल्या स्पर्धा परीक्षेतील अनुभवाचा फायदा स्पर्धा परीक्षा देणाऱ्या विद्यार्थ्यांना करून देणार असल्याचे त्यांनी सांगितले. सौ.ज्योती बुवा तोरसकर या नेहमीच ज्ञानवर्धक विचारधारा व प्रयत्नांसाठी टोपिवाला हायस्कूल आणि सिंधुदुर्ग जिल्ह्यातील शैक्षणिक व सामाजिक उपक्रमांत कार्यरत असतात. त्यांच्या या दुहेरी मुकुटाबद्दल त्यांची सर्व स्तरातून प्रशंसा होत आहे.