बॅ . नाथ पै सेवांगण कट्टा शाखेचे आयोजन

२७ महिलांनी घेतला सहभाग

मसुरे | प्राजक्ता पेडणेकर: बॅ. नाथ पै सेवांगण कट्टायेथे सावित्रीबाई फुले जयंतीनिमित्तवेशभूषा स्पर्धेचे आयोजन करण्यात आले होते. सावित्रीबाई फुले, डॉक्टर, सिस्टर, दशावतारी सकला , रात्रीचा खेळ चालेचा पांडु , पी. व्ही. सिंधु, ज्योतिबा फुले, शेतकरी , बुरुड महिला आदी विविध भूमिका महिलानी सादर केल्या. मुलांचे संगोपन, आरोग्याची काळजी, आहार नियोजन, सायकलींगचे महत्व आदी विषयांचे डॉ. गार्गी ओरसकर यानी महिलाना मार्गदर्शन केले. नितीन वाळके यानी सावित्रीबाईंचे योगदान किती महत्वाचे आहे याची सविस्तर माहिती दिली व महिलानी कणखर बनावे असे सांगितले. लोकमान्य पतसंस्थेचे शाखाधिकारी आनंद प्रभुवालावलकर यानी महिलाचे कौतुक करून सेवांगणास नेहमीच सहकार्य असेल याची ग्वाही दिली.

प्रकाश चव्हाण यानी दिक्षीत आहाराचे महत्त्व सांगितले.

या स्पर्धेचे परीक्षण डॉ गार्गी ओरसकर, नितीन वाळके व वैष्णवी लाड यानी केले. कार्यक्रमाचे सूत्रसंचलन वैष्णवी लाड व सुजाता पावसकर यानी केले.नमिता नांदोसकर व समिक्षा हडकर यानी सावित्रीबाईची ओवी म्हटली. सहभागी सर्व महिलाना प्रशस्तीपत्र व भेटवस्तू देऊन मान्यवरांचे हस्ते सन्मानित करण्यात आले.

या कार्यक्रमास डॉ. गार्गी ओरसकर, नितीन वाळके, किशोर शिरोडकर , दीपक भोगटे , बापू तळावडेकर, सौ नागवेकर, सौ. भरणकर ,बापू तळावडेकर ,भास्कर आकेरकर , विकास वराडकर , चेतन मुसळे, वैष्णवी लाड, प्रकाश चव्हाण,व परिसरातील महिला उपस्थित होत्या.