बांदा येथील (कै.) सुधीर वराडकर यांच्या कुटुंबियांना बांदा भाजप पक्षातर्फे आर्थिक मदत.
बांदा / राकेश परब : शहरातील गवळीटेम्ब येथील भाजपचे कट्टर कार्यकर्ते (कै.) सुधीर वराडकर यांच्या कुटुंबियांना बांदा भाजपच्या वतीने भारतरत्न अटलबिहारी वाजपेयी यांच्या जयंतीचे औचित्य साधून आर्थिक स्वरूपात मदत करण्यात आली. काही दिवसांपूर्वी सुधीर यांचे आकस्मिक निधन झाले होते. बांदा भाजपने वराडकर कुटुंबियांची आर्थिक परिस्थिती लक्षात घेता आर्थिक स्वरूपात मदत करण्याचा निर्णय घेतला. यासाठी बांदा शहरातील भाजप पदाधिकारी व कार्यकर्ते यांनी पुढाकार घेतला. दोन दिवसात मदत गोळा करण्यात आली. अटलबिहारी वाजपेयी यांच्या जयंतीचे औचित्य साधून वराडकर कुटुंबियांच्या निवासस्थानी जाऊन मदत देण्यात आली. यावेळी भाजपचे प्रदेश सरचिटणीस अतुल काळसेकर, सावंतवाडीचे माजी नगराध्यक्ष संजू परब, माजी नगरसेवक मनोज नाईक, उपसभापती शीतल राऊळ, सरपंच अक्रम खान, माजी सरपंच मंदार कल्याणकर, अशोक सावंत, बाळा आकेरकर, दीपक सावंत, उद्योजक भाऊ वळंजू, महिला तालुकाध्यक्ष अपेक्षा नाईक, सुनील धामापूरकर, संदीप बांदेकर, ऋषिकेश देसाई आदी उपस्थित होते. वराडकर कुटुंबियांना यापुढेही मदतीसाठी सहकार्य करण्याचे आश्वासन यावेळी भाजपच्या वतीने देण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
