बांद्यात पतंजलीच्या अग्निहोत्र कार्यक्रमास उत्स्फुर्त प्रतिसाद
बांदा /राकेश परब : पतंजली योगपीठाच्या वतीने बांदा येथिल योगवर्गात आयोजित केलेल्या अग्निहोत्र कार्यक्रमास उत्स्फुर्त प्रतिसाद लाभला. बांदा दशक्रोशी पतंजली योग वर्ग आणि गोवा राज्य पतंजली यांच्या वतीने बांदा येथे योगप्रसाराचे कार्य मोठ्या वेगात सुरु आहे. सध्या बांदा येथे एक महिना कालावधीचे योग शिक्षक प्रशिक्षण शिबिर सुरु आहे.तसेच शंखप्रक्षालन व एडव्हान्स योगा सारख्या अनेक उपयुक्त योगक्रियांचे बांदा परिसरातील योगाभ्यासकांना तज्ञ प्रशिक्षकांकडून मार्गदर्शन मिळत आहे. या योगाभ्यासातील एक महत्वाचा घटक असलेला अग्निहोत्र हा हवनाचा कार्यक्रम गुरुवार दि.१६ रोजी बांदा योगवर्गात घेण्यात आला.
बांदा व्यापारी भुवन येथिल श्री विठ्ठल रखुमाई मंगल कार्यालयात आयोजित या कार्यक्रमात विशेष मार्गदर्शक आचार्य आर्य नरेश यांनी बहुमोल माहीती व विस्तृत विवेचनासह सर्वांना मार्गदर्शन केले. यावेळी प्रज्वलित केलेली हवनकुंडे व मंत्रोच्चारांमुळे वातावरण अत्यंत प्रसन्न वाटत होते. या कार्यक्रमासाठी आचार्य अशोक ,आचार्य मीराबेन ,आचार्य सिद्धार्थ ,गोवा राज्य यज्ञ प्रभारी पोपटभाई पटेल , पतंजली गोवा प्रभारी विश्वास कोरगांवकर, पतंजली दक्षिण गोवा प्रभारी रामा नायक आदि उपस्थित होते.
प्रास्ताविक सुदन केसरकर यांनी केले. मान्यवरांचे स्वागत संजय नाईक ,अनिल मणियाद, संतोष चिंदरकर,सिद्धेश पावसकर ,नितीन मावळंकर, गीता गर्दे यांनी केले. सुत्रसंचालन नंदादिप केळुसकर यांनी तर आभारप्रदर्शन विकी केरकर यांनी केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
