आमदार निलेश राणे यांचे वराड  येथील तलाव पाहाणी दरम्यान पाणी साठवण क्षमता वाढविण्यासाठी उपाययोजना करायचे निर्देश.

शिवसेना जिल्हाप्रमुख दत्ता सामंत आणि जिल्हा परिषद वित्त व बांधकाम सभापती संतोष साटविलकर, विविध पदाधिकारी व संबंधित अधिकारी यांची उपस्थिती.

मालवण | प्रतिनिधी : कुडाळ मालवणचे आमदार निलेश राणे यांनी, सिंधुदुर्ग जिल्ह्यातील मालवण तालुक्यातल्या वराड तलाव परिसराची पाहणी केली. त्यांनी तलावाची सद्यस्थिती आणि उपलब्ध पाणी साठवण क्षमतेचा आढावा घेतल्यानंतर तलावातील गाळ उपसा करून पाणी साठवण क्षमता वाढविण्यासह आवश्यक त्या दुरुस्तीच्या उपाययोजना करण्याच्या दृष्टीने लघु पाटबंधारे विभागासोबत बैठक घेऊन सविस्तर अहवाल तयार करावा, असे निर्देश आमदार निलेश राणे यांनी तहसीलदार गणेश लव्हे यांना दिले. शिवसेना जिल्हाप्रमुख दत्ता सामंत यांची पहाणी दरम्यान उपस्थिती होती.

वराड तलाव परिसराची पाहणी करताना तलावात मोठ्या प्रमाणात पाणी साठवण क्षमता उपलब्ध असल्याचे निदर्शनास आले. मात्र, गाळ साचल्यामुळे तसेच अनेक ठिकाणी गळती व अन्य कारणाणी उपलब्ध क्षमतेचा पूर्णपणे वापर होण्यास अडथळा निर्माण होत असल्याचे चित्र आहे. त्यामुळे योग्य प्रमाणात गाळ उपसा, आवश्यक ठिकाणी दुरुस्ती तसेच इतर तांत्रिक उपाययोजना करून तलावाची क्षमता अधिक प्रभावीपणे वापरण्याच्या दृष्टीने कार्यवाही करावी, अशा सूचना यावेळी प्रशासनाला देण्यात आल्या तसेच तालुक्यातील उपलब्ध जलस्रोतांचा दीर्घकालीन आणि प्रभावी वापर होण्यासाठी प्रशासनाच्या माध्यमातून आवश्यक कामे मार्गी लावण्याच्या सूचना त्यांनी दिल्या.

या पाहणीवेळी आमदार निलेश राणे, शिवसेना जिल्हाप्रमुख दत्ता सामंत, जिल्हा परिषद वित्त व बांधकाम सभापती संतोष साटविलकर यांच्यासह अन्य पदाधिकारी व संबंधित अधिकारी उपस्थित होते.