मुंबईतील संगीत नाटक महोत्सवात १३ ऑगस्टला' संगीत मत्स्यगंधा..!'

सावंतवाडी येथील श्री परमेश्वर प्रॉडक्शनची निर्मिती आणि बाळ पुराणिक यांचे दिग्दर्शन.

सिंधुदुर्ग : मुंबईतील वरळी येथील नेहरू सेंटर संगीत नाटक महोत्सव २०२६ मध्ये सावंतवाडी येथील श्री परमेश्वर प्रोडक्शन निर्मित संगीत मत्स्यगंधा हे नाटक गुरुवार १३ ऑगस्ट रोजी सायंकाळी ६ वाजता सादर होणार आहे. कै. प्रा. वसंत कानेटकर यांनी लिहिलेल्या या नाटकाचे दिग्दर्शन बाळ पुराणिक यांनी केले आहे. नाटकाचे मूळ संगीत कै. पं. जितेंद्र अभिषेकी यांचे असून नाटकाला स्वप्निल गोरे यांनी संगीत मार्गदर्शन केले आहे. 

या नाटकात स्वप्निल गोरे, केतकी सावंत, उमा जडये , गुरुप्रसाद चिटणीस, गणेश दीक्षित, तेजस प्रभूदेसाई, शुभम परब आणि बाळ पुराणिक या सर्व स्थानिक कलाकारांचा सहभाग असून साथसंगत प्रसाद शेवडे (ऑर्गन), नीरज भोसले (तबला) हे करणार आहेत. नाटकाला प्रकाशयोजना अभिषेक कोयंडे, पार्श्वसंगीत गणेशप्रसाद गोगटे, रंगभूषा संजय जोशी तर वेशभूषा

सौ. वैभवी पुराणिक व प्राजक्ता राणे करणार आहेत.

चार दिवसांच्या या नाट्यमहोत्सवाला सर्वांना प्रवेश विनामूल्य आहे. मुंबईतील सर्व नाट्यरसिक तसेच सिंधुदुर्गातील मुंबईत रहाणाऱ्या चाकरमान्यांनी आपल्या मित्रमंडळींसह मोठ्या संख्येने या नाट्यप्रयोगाला उपस्थित राहून आम्हा सर्व कलाकारांना प्रोत्साहित करावे असे आवाहन करण्यात आले आहे. अधिक माहितीसाठी 9422436147 हा क्रमांक उपलब्ध आहे अशी माहिती मिळत आहे.