भंडारी एज्युकेशन सोसायटी हायस्कूलचा दहावीचा निकाल ९८.७८%.
भंडारी एज्युकेशन सोसायटी हायस्कूलचा दहावीचा निकाल ९८.७८%.
मालवण | ब्यूरो न्यूज : मालवण शहरातील भंडारी एज्यूकेशन सोसायटी मालवण मुंबई संचलित भंडारी एज्युकेशन सोसायटी हायस्कुलचा इयत्ता दहावीचा निकाल ९८.७८% लागला. फेब्रुवारी – मार्च २०२६ मध्ये झालेल्या दहावीच्या परीक्षेत भंडारी हायस्कुल प्रशालेतून ८२ विद्यार्थी प्रविष्ठ झाले होते. त्यातील ८१ विद्यार्थी उत्तीर्ण झाले.
या प्रशालेतून कु. तन्वी शिंदे हिने ४६६ गुणांसह प्रथम क्रमांक प्राप्त केला. कु. वेदिका विष्णू बिरमोळे हिने ४६३ गुण मिळवून द्वितीय तर कु. कौस्तुभ राजन गावडे याने ४४५ गुण मिळवून तृतीय क्रमांक प्राप्त केला. कु. सियॉन मिल्टन आल्मेडा हिने ४३५ गुण मिळवून चौथा क्रमांक तर कु. कौस्तुभ बाबु सोनवडेकर ४२२ गुण मिळवून पाचवा आला.
या परीक्षेत प्रशालेतील १७ विद्यार्थी विशेष प्राविण्य श्रेणीत, ३९ विद्यार्थी प्रथम श्रेणीत, २३ विद्यार्थी द्वितीय श्रेणीत तर २ विद्यार्थी उत्तीर्ण श्रेणीत उत्तीर्ण झाले.
सर्व यशस्वी विद्यार्थ्यांचे संस्थेचे अध्यक्ष विजय पाटकर, संस्थेचे चेअरमन सुधीर हेरेकर, ऑनररी जनरल सेक्रेटरी साबाजी करलकर, लोकल कमिटीचे सेक्रेटरी दशरथ कवटकर, मुख्याध्यापक एच. बी. तिवले, पर्यवेक्षक आर. डी. बनसोडे, तसेच शिक्षक - शिक्षकेतर कर्मचारी यांनी अभिनंदन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
