मालवणात भाजप स्थापना दिन साजरा. 

मालवण | ब्यूरो न्यूज : मालवण तालुक्यात भाजप स्थापना दिनानिमित्त विविध समाजोपयोगी कार्यक्रम आयोजित करण्यात आले आहेत. यानिमित्त सोमवार, ६ एप्रिल रोजी मालवण भाजप कार्यालयात गणेश पूजन तसेच भाजप पक्षाचा ध्वज फडकविण्यात आला. 

यावेळी भाजप तालुका मंडल अध्यक्ष धोंडी चिंदरकर, भाजप जिल्हा उपाध्यक्ष अशोक सावंत, तालुका सचिव महेश मांजरेकर, तालुका उद्योग व्यापार आघाडी रोहेश गावकर, तालुका सरचिटणीस पंकज सादये, राजू परुळेकर, नगरसेवक मंदार केणी, नगरसेवक ललित चव्हाण, यतीन खोत, राजू परब, केदार झाड, दाजी सावजी, महिला तालुकाध्यक्ष नगरसेविका चारुशीला आचरेकर, नगरसेविका महानंदा खानोलकर, शहर अध्यक्ष महिमा मयेकर, रश्मी लुडबे, शिल्पा खोत, समृद्धी आसोलकर, दर्शना कासवकर, पंचायत समिती उप सभापती श्याम झाड, पंचायत समिती सदस्य योजना कांबळी, दीपक सुर्वे आदी पदाधिकारी व कार्यकर्ते उपस्थित होते.

यावेळी भाजप तालुकाध्यक्ष धोंडी चिंदरकर यांनी भाजपची स्थापना, उद्देश, कार्यपद्धती व वाटचाल यांबाबत माहिती देत मार्गदर्शन केले.

भाजप स्थापना दिनानिमित्त मालवण तालुक्यातील प्रत्येक बुथवर भाजप ध्वज फडकविण्यात आला तर तालुक्यात सदस्य नोंदणी तसेच विविध समाज उपयोगी कार्यक्रम घेण्यात आले.