किल्ले सिंधुदुर्ग येथे श्री रामनवमी उत्सव पारंपरिक उत्साहात.

प्रकाशन: 26 Mar 2026 09:05 PM

वाचन संख्या 171

बातम्या, मालवण, सामाजिक, सुयोग पंडित (मुख्य संपादक)

शेअर करा: Facebook Twitter WhatsApp Telegram

किल्ले सिंधुदुर्ग येथे श्री रामनवमी उत्सव पारंपरिक उत्साहात.

मालवण | ब्यूरो न्यूज : मालवण शहरातील किल्ले सिंधुदुर्ग येथे शिवराजेश्वर मंदिरात ऐतिहासिक शिवकालीन परंपरा जपत श्री रामनवमी उत्सव , २६ मार्च २०२६ रोजी साजरा करण्यात आला. सकाळी विविध धार्मिक कार्यक्रम मंदिरात संपन्न झाले. श्री शिवराजेश्वर यांचे विधिवत पूजन करण्यात आले. त्यानंतर कीर्तनकार मंगेश परब यांचे श्री राम जन्माचे कीर्तन सादरीकरण करण्यात आले.

मंदिराच्या सभामंडपात साकारलेल्या पाळण्यात श्री प्रभू श्री रामांच्या मूर्तीला पाळण्यात ठेवण्यात आले. यावेळी श्री रामांच्या जयघोषाने फुले व गुलालाची उधळण करण्यात आली. यावेळी ढोल ताशाच्या गजरात शिवराजेश्वर मंदिराला पालखी प्रदक्षिणा घालण्यात आली. या पालखी मिरवणुकीत किल्ले सिंधुदुर्ग रहिवासी सहभागी झाले.

किल्ले सिंधुदुर्ग वरील ऐतिहासिक सोहळ्यात देवस्थानचे मुख्य पुजारी सयाजी सकपाळ, दिलीप सकपाळ, नामदेव सकपाळ, श्रीराम सकपाळ, हनुमंत वायंगणकर, मंगेश सावंत, दीपक फाटक, प्रसाद आडकर, नरेश सावंत, किल्ले रहिवाशी उपस्थित होते.

मालवण तालुक्यात किल्ले सिंधुदुर्गसह मालवण श्री देव रामेश्वर मंदिर, कांदळगाव रामेश्वर मंदिर, तारकर्ली, गवंडीवाडा राम मंदिर तसेच आचरा रामेश्वर मंदिर मालवण एस टी स्टॅन्ड राम मंदिर येथे रामनवमी उत्सव उत्साहात साजरा करण्यात आला.

विभाग:

बातम्या मालवण सामाजिक सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)