मसुरे मार्गाचीतड येथे महागणपती मंदिरात २१ व २२ जानेवारी रोजी माघी गणेश जयंती उत्सव. 

मालवण | ब्यूरो न्यूज : मालवण तालुक्यातील मसुरे मार्गाचीतड येथील महागणपती मंदिर येथे २१ व २२ जानेवारी रोजी श्री महागणपती विश्वस्त मंडळाच्यावतीने 'माघी श्री गणेश जयंती' उत्सव साजरा करण्यात येणार आहे.

यानिमित्त बुधवार, २१ जानेवारी रोजी सकाळी ८.३० ते ९ सहस्र नामजप सोहळा, सकाळी ९.३० ते १२ सामुदायिक एकादशणी सोहळा, (ज्या भाविकांना एकादशणी करावयाची आहे, त्यांनी ९४२११४५८२८ या क्रमांकाशी संपर्क साधावा अशी माहिती मिळत आहे.), दुपारी १२.३० नंतर महाआरती व तीर्थप्रसाद, सायंकाळी ६.३० ते ७.३० हरिपाठ, ७.३० ते रात्री ८.३० -'मन हे मोगरा अर्पनी ईश्वरा' या ओवीवर आधारीत ह.भ.प. जगन्नाथ रामचंद्र मोहिते यांचे प्रवचन, ८.३० ते ९.०० वारकरी दिंडी होणार आहे. 

गुरुवार, २२ जानेवारी रोजी सकाळी ८ ते ९ श्री महागणपती पूजा व अभिषेक, ९ ते दुपारी १२.३० श्री सत्यनारायण महापूजा, १२.३० ते १ महाआरती व तीर्थप्रसाद, १ ते ३ महाप्रसाद, ३ ते सायंकाळी ५ हळदीकुंकू समारंभ, ७ वाजता सुश्राव्य भजने होतील. श्री महागणपती प्रासादिक भजन मंडळ, मसुरे-मार्गाचीतड यांचे सुश्राव्य भजन, बुवा अमित बागवे, रात्री ९.३० वाजता बाळा सावंत दशावतार नाट्यमंडळ, नेरूर असरोंडी मिनी ट्रीकसीनयुक्त आध्यात्मिक सत्यनारायण कथेवर आधारीत दशावतार 'श्री देव सत्यनारायण' होईल. या उत्सवाला उपस्थित राहण्याचे आवाहन श्री महागणपती विश्वस्त मंडळाच्यावतीने करण्यात आले आहे.