दै. तरुण भारत पुरवणी संपादक बालमुकुंद पत्की यांना स्वाक्षरी छंदासाठी विशेष पुरस्कार.

बेळगाव | ब्यूरो न्यूज : वाङ्मय चर्चा मंडळातर्फे दरवर्षी प्रदान करण्यात येणारे विविध साहित्य पुरस्कार जाहीर झाले आहेत. यामध्ये दै. तरुण भारत पुरवणी संपादक श्री. बालमुकुंद पत्की यांची २०२२ ह्या वर्षासाठी स्वाक्षरी छंदासाठी मूल्यांकन समितीने निवड केली आहे. या साहित्य पुरस्काराचा वितरण समारोह रविवार, ३० नोव्हेंबर २०२५ रोजी सकाळी १०:३० वाजता वरेरकर नाट्यसंघ, टिळकवाडी, बेळगांव येथे करण्यात येणार आहे. स्मृतिचिन्ह, प्रशस्तीपत्र आणि ३०००/- रुपयांचा धनादेश असे पुरस्काराचे स्वरूप आहे.

गेली चार दशके, सिंधुदुर्ग जिल्ह्यातील साहित्य विषयक जिव्हाळा जपलेल्या तसेच वृत्तपत्रीय उपक्रमांमध्ये सक्रीय सहभाग असणाऱ्या श्री बालमुकुंद पत्की यांचे विविध स्तरातून अभिनंदन होत आहे.