श्री दत्त मंदिर, भरड येथील काकड आरती सोहळ्याच्या सांगतेला शेकडो भाविक उपस्थित.

प्रकाशन: 06 Nov 2025 05:47 PM

वाचन संख्या 90

बातम्या, मालवण, सामाजिक, सुयोग पंडित (मुख्य संपादक)

शेअर करा: Facebook Twitter WhatsApp Telegram

मालवण | ब्यूरो न्यूज : मालवण भरड येथील श्री दत्त मंदिरात कार्तिक स्नान समाप्तीच्या निमित्ताने बुधवार, ५ नोव्हेंबर रोजी पालखी प्रदक्षिणा सोहळा संपन्न झाला. यावेळी टाळ मृदूंगाच्या साथीने आणि ढोल ताशांच्या गजरात जयघोष करण्यात आला. या सोहळ्यास शेकडो भाविक सहभागी झाले होते अशी माहिती मिळत आहे.

मालवण शहरातील भरड येथील जागृत देवस्थान असलेल्या एकमुखी दत्त मंदिरात गेले महिनाभर सुरु असलेल्या काकड आरती सोहळ्याची सांगता त्रिपुरारी पौर्णिमेला झाली.

कोजागरी पौर्णिमेच्या दुसऱ्या दिवशी पासून काकड आरतीला प्रारंभ झाला होता. रोज पहाटे ५:१० वाजल्यापासून ते ७:१५ वाजेपर्यंत काकड आरती होत होती. मंगलमय आणि भक्तीपूर्ण वातावरणात होणाऱ्या या काकड आरतीमुळे भरड मालवण परिसर भारून गेला होता. बुधवारी पहाटे ५ वाजल्यापासून ७ वाजेपर्यंत काकड आरती संपन्न झाली. त्यानंतर दत्त मंदिरापासून महापुरुष स्थानाना भेट देत दत्त महाराजांची पालखी प्रदक्षिणा संपन्न झाली. संतांचे अभंग गात आणि श्री. दत्त नामाचा जयघोष करत ही पालखी प्रदक्षिणा संपन्न झाली.

यावेळी शेकडो भाविक उपस्थित होते. सायंकाळी मंदिरातील तुलसी विवाह आणि श्री दत्त महाराजांची शेजारती संपन्न झाली.

विभाग:

बातम्या मालवण सामाजिक सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)