मालवण तालुका पत्रकार समिती आयोजित घरगुती श्री. गणपती सजावट स्पर्धेचा निकाल जाहीर.

मालवण | ब्यूरो न्यूज : मालवण तालुका पत्रकार समितीच्या वतीने श्री गणेशोत्सव २०२५ कालावधीत तालुकास्तरीय घरगुती श्री गणेश सजावट स्पर्धेचे आयोजन करण्यात आले होते. यंदा स्पर्धेचे तिसरे वर्ष होते. मालवण तालुका पत्रकार समिती सदस्यांसाठी मर्यादित, या स्पर्धेचा निकाल स्पर्धा प्रमुख अमित खोत व समीर म्हाडगुत यांनी जाहीर केला. 

या स्पर्धेत नितीन गावडे ( प्रथम क्रमांक), भूषण मेतर (द्वितीय क्रमांक) प्रफुल्ल देसाई (तृतीय क्रमांक) यांच्या घरच्या श्री गणेश सजावटीला सुयश प्राप्त झाले. 

स्पर्धेत उत्तेजनार्थ प्रथम क्रमांक भाऊ भोगले, द्वितीय क्रमांक मनोज चव्हाण आणि तृतीय क्रमांक अर्जुन बापार्डेकर यांनी प्राप्त केले. 

शासकीय विश्रामगृह मालवण येथे पार पडलेल्या कार्यकारणी बैठकीत स्पर्धा प्रमुख अमित खोत आणि निवड समिती सदस्य समीर म्हाडगुत यांनी पत्रकार समिती अध्यक्ष दत्तप्रसाद पेडणेकर, सचिव कृष्णा ढोलम, उपाध्यक्ष परेश सावंत, खजिनदार संदीप बोडवे, सदस्य आप्पा मालंडकर यांच्या प्रमुख उपस्थितीत स्पर्धेचा निकाल जाहीर केला.

स्पर्धेतील विजेत्यांना आकर्षक बक्षीसे, सन्मानचिन्ह, प्रमाणपत्र देण्यात येणार आहेत तसेच सर्व सहभागी स्पर्धकांना विशेष सन्मानित केले जाणार आहे.

मालवण पत्रकार समितीचा स्नेह मेळावा, लवकरच आयोजित करण्यात येणार असून यावेळी पारितोषिक वितरण व अन्य सन्मान सुपूर्द केले जाणार आहेत अशी माहिती पत्रकार समिती अध्यक्ष दत्तप्रसाद पेडणेकर यांनी दिली आहे अशी माहिती मिळत आहे.