बेकायदेशीर मच्छिमारी करणारे तीन ट्राॅलर्स पकडले.
बेकायदेशीर मच्छिमारी करणारे तीन ट्राॅलर्स पकडले.
मालवण | ब्यूरो न्यूज : आठवड्याभरापूर्वी राज्याचे मत्स्य व्यवसाय मंत्री नितेश राणे यांनी अनधिकृत मच्छीमारी करणाऱ्या ट्रॉलर्स वर कारवाई करा अशा प्रकारचे आदेश दिले होते. सिंधुदुर्गच्या समुद्रात बेकायदेशीर पर्ससीन मच्छीमारी करणाऱ्या ट्रॉलर्सचा वावर सुरू राहिल्याना पारंपरिक मच्छीमारांनी तीव्र आंदोलन छेडण्याचा इशारा दिला होता. या पार्श्वभूमीवर ८ सप्टेंबर रोजी, संध्याकाळनंतर मालवणच्या सहाय्यक मत्स्य व्यवसाय आयुक्तांच्या मार्गदर्शनाखाली परवाना अधिकारी गणेश टेमकर आणि त्यांच्या सहकाऱ्यांनी धडक कारवाई करीत मालवण सिंधुदुर्ग किल्ल्याच्या समोरील समुद्रात अकरा वावाच्या आतमध्ये बेकायदेशीर मच्छीमारी करणाऱ्या रत्नागिरीचे तीन पर्ससीन ट्रॉलर्स पकडले. ह्या ट्राॅलर्सवर बांगडा व त्यासारखे अन्य मासे असल्याची माहिती मिळत आहे.
पारंपरिक मच्छिमारांचे नेते पृथ्वीराज उर्फ बाबी जोगी यांनी मालवण समुद्रात बेकायदेशीर पर्ससीन मच्छिमारी सुरु असल्याबाबत तीव्र नाराजी व्यक्त केली होती.
सौजन्य | मालवण ब्यूरो
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
