जिल्हा बँके कडून बांदिवडे सोसायटीचा झाला गौरव.
मसुरे | प्रतिनिधी : मालवण तालुक्यातल्या बांदिवडे विविध कार्यकारी सहकारी सेवा सोसायटी या सोसायटीला ओरोस येथील शरद भवन येथे आयोजित जिल्हा बँकेच्या ४० व्या वार्षिक सर्वसाधारण सभेत आमदार नितेश राणे, जिल्हा बँक अध्यक्ष मनिष दळवी यांच्या हस्ते प्रशस्तीपत्र, सन्मान चिन्ह, रोख रक्कम शेअर्स देवून गौरविण्यात आले. २०२२-२३ या आर्थिक वर्षात संस्थेने १००% वसूली केल्या बद्दल हा गौरव करण्यात आला.
हा गौरव म्हणजे सोसायटी संचालक मंडळ व सर्व सभासदांचा गौरव असून यापुढे सोसायटीला प्रगती पथावर नेण्याचा व उलाढाल वाढवून शेतकऱ्यांना न्याय देण्याचा प्रयत्न करणार असल्याचे चेअरमन प्रफुल्ल प्रभू म्हणाले. यावेळी चेअरमन प्रफुल्ल प्रभू, व्हाईस चेअरमन सतीश बांदिवडेकर, शंकर आईर, शत्रुघ्न आईर, किरण पवार, सुनील घाडी, प्रवीण नाटेकर तसेच जिल्ह्यातील बहुसंख्य सोसायटींचे संचालक, चेअरमन उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
