श्रावण: प्रतिनिधी /गणेश चव्हाण : वेंगुर्ले बाजारपेठ येथील सलुन व्यावसाईक शंकर सदाशिव पवार यांना गेले दोन दिवस दमदाटी व धमकी करत १६ जुलै रोजी, सलूनची तोडफोड करुन, मोठे नुकसान केले. हि बाब समाज घातक असुन एका व्यावसाईकांना गरीबीच्या दरीत घालण्यासारखा वाईट प्रकार असल्याने आम्ही अशा घटनांचा निषेध करतो . असे नाभिक महामंडळाचे राज्य संघटक विजय सि. चव्हाण यांनी वेंगुर्ले येथे व्यक्त केले.

१९९३ पासुन शंकर सदाशिव पवार सलुन व्यवसाय करुन आपला धंदा करत होते. जमिनीचा मालकां कडुन करार केलेला होता. गेली ३० वर्ष सदर मालकांचा काहिही त्रास नव्हता. पण दोन दिवस अचानक जमिन मालक शंकर पवार यांना दुकान खाली करण्यासाठी दमदाटी व धमकी द्यायला लागले. आणि १६ जुलै रोजी अचानक सलुन दुकानाची तोडफोड केली. याबाबत विजय चव्हाण यांनी पवार यांची विचारपूस करुन आपण पाठीशी असल्याचे सांगत या कृत्त्याचा निषेध नोंदवला.

नाभिक संघटणेचे जिल्हाध्यक्ष जगदीश सुभाष चव्हाण व युवा जिल्हाध्यक्ष रुपेश पिंगुळकर तसेच जिल्ह्यातील सुमारे ५० ते ६० नाभिक पदाधिकारी व बांधवांनी वेंगुर्ले येथे धाव घेतली. आपल्या समाज बांधवाची काहीही चुक नसतांना, तसेच जागेचा भाडे करार, असतांना, मनमानी करत दुकान फोडले त्यामुळे पोलीसांनी, योग्य चौकशी करुन आरोपीला कठोर शिक्षा व्हावी अशी भुमिका, जिल्हा नाभिक संघटणेचे अध्यक्ष जगदीश चव्हाण व युवाध्यक्ष रुपेश पिंगुळकर यांनी घेतली. अणि तसा अर्ज सादर केला. अर्जात असे म्हटले आहे की शंकर पवार यांना योग्य न्याय मिळावा व आरोपींना शिक्षा करुन नुकसान भरपाई वसुल करावी अशा प्रकारचा अर्ज सादर केला.

यावेळी कुडाळ अध्यक्ष आनंद पिंगुळकर, मालवणचे शुभम लाड, वेंगुर्लेचे किरण पवार, नाभिक संघटणा उपाध्यक्ष संदिप चव्हाण, मालवण युवा तालुकाध्यक्ष संदिप लाड व बरेच नाभिक बांधव उपस्थित होते.