आदर्श व्यापारी शंकर उर्फ भाऊ वळंजू यांचा बांद्यात सन्मान.
बांदा | राकेश परब : सिंधुदुर्ग जिल्ह्यातील सावंतवाडी तालुक्यातल्या बांदा येथील व्यापारी श्री. भाऊ वळंजू यांचा राज्य वस्तू व सेवा कर विभाग ओरोस यांनी विहित मुदतीत विवरणपत्र दाखल करून सर्वाधिक वस्तू व सेवा कराचा भरणा करणारे ‘आदर्श व्यापारी’ म्हणून नुकताच सन्मान केला.
या मिळालेल्या सन्मानाबद्दल बांदा सरपंच प्रियांका नाईक, उपसरपंच जावेद ख़तीब यांनी बांदा ग्रामपंचायत प्रशासनातर्फे शाल, श्रीफळ व पुष्पगुच्छ देऊन गौरव केला. जिल्ह्यात विहित वेळेत सर्वाधिक कर भरणा करणाऱ्या व्यापाऱ्यांना गौरविण्यात येते. यामध्ये वळंजू यांचा समावेश आहे. बांदा शहरासाठी हे भूषणावह असल्याचे सरपंच प्रियांका नाईक यांनी सांगितले. यावेळी ग्रामपंचायत सदस्य रत्नाकर आगलावे, आदी उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
पाहिजेत..!
