विवेक परब | ब्युरो चीफ : सिंधुदुर्ग जिल्ह्यातील मालवण तालुक्यातल्या मसुरे गांवच्या आंगणेवाडी येथील श्री देवी भराडी जत्रोत्सवाचे औचित्य साधून सिंधुदुर्ग जिल्हा बँक व नाबार्ड यांच्या संयुक्त विद्यमाने आंगणेवाडी येथील बचत गटांच्या उत्पादीत मालाचे प्रदर्शन व विक्री कार्येक्रमाचा शुभारंभ आमदार श्री.नितेश राणे यांच्या हस्ते उद्या शुक्रवार दि.३ फेब्रुवारीला संध्याकाळी ४ वाजता श्री देवी भराडी मंदिर नजिक करण्यात येणार आहे.

या कार्यक्रमाला प्रमुख अतिथी म्हणून जिल्हा बँक अध्यक्ष मनीष दळवी, उपाध्यक्ष अतुल काळसेकर, जिल्हा प्रबंधक नाबार्ड अजय थुटे, जिल्हा उपनिबंधक माणिक सांगळे, आंगणेवाडी विकास समिती अध्यश भास्कर आंगणे, मसुरे सरपंच संदिप हडकर, देऊळवाडा सरपंच नरेंद्र सावंत, उमेदचे वैभव पवार, महिला विकास आर्थिक महामंडळ समन्वय अधिकारी नितीन काळे, श्रीम. मानसी पालव सरपंच ग्रामपंचायत बिळवस आंगणेवाडी, बँक संचालक संदिप परब, व्हिक्टर डान्टस, मेघनाथ धुरी, जिल्हा बँकेचे मुख्यकार्यकारी अधिकारी प्रमोद गावडे असे मान्यवर उपस्थित रहाणार आहेत.
या शुभारंभ सोहळ्याला मोठ्या संख्येने आंगणेवाडी व देउळवाडा गावच्या ग्रामस्थांनी तसेच यात्रेस आलेल्या भाविकांनी व जिल्हा बँकेचे तालुक्यातील विकास अधिकारी, कर्मचारी यांनी सोहळ्यास उपस्थित रहावे असे आवाहन जिल्हा बँकेच्या वतीने करण्यात आले आहे.

या बचत गटांच्या उत्पादीत मालाचे प्रदर्शन व विक्री दि.३ ते ०५ फेब्रुवारी २०२३ पर्यंत सुरू राहणार आहे.